المشهد 1
في الثامنة صباحا في قلب الشتاء، ذات يوم صحو و مشمس لكنه شديد الصقيع، رابح و كريم و سكينة يجتمعون في مكتب المحامية غادة.
كريم: ملا شكشوكة و ملا هي غارقين فيها ها الأيام، عباد ضايعة ماهي فاهمة شي و الأمور داخلة بعضها بالضبط و البلاد أكثر من خايضة و كان يزيدو يضيعو العباد تو تزيد تخوض أكثر.
سكينة: نا جاني راجل الصباح و راجل العشية حكولي صفة حكايات، دخت و دخلت بعضي. نا متأكدة أنهم في كامل مداركهم العقلية و أنو الحكايات متاعهم فيها الصحيح و الباقي فمة ماكينة إعلامية أجنبية هي اللي تاقف وراه و غلطت حتى الإعلام متاعنا.
رابح: نا قاعدين يجوني صفة دوسيات متاع قضايا، الثلاثة أرباع فليق متاع ضحك و الربع قضايا في غاية الخطورة متورطة فيها أطراف دولية، بصراحة واخذ الأمور بجد، قضايا غير عادي بالمرة عمرنا لا رينا كيفهم في حتى بلاصة في العالم و نا فهمت أنو فمة جهة استخباراتية أجنبية هي اللي اخترقت القضاء متاعنا.
كريم: الأمور داخلة بعضها بالضبط و أحنا بيدنا ضعنا و م عاد فاهمين شي، عباد تخلوض في الساحة على صعيد دولي حاسبين رواحهم يناضلو و هوما ماهم فاهمين شي و ماهمش عارفين شكون قاعد يحرك فيهم من بعيد، و أحنا بيدنا ماناش عارفين، تخلويض في الفايسبوك أتعس و أتعس قاعدة تتبنى فيه وسائل إعلام دولية معروفة بقذارتها الشديدة، نراو الحقيقة و غدوة نراو النقيض متاعها و حتى م الشعب ضاع و ولاو يلعبو بمخو من بعيد و ولى الحديث في القهاوي تضليل و فتن و خدمة لأجندات أجنبية بصفة مجانية من قبل مواطن زوالي جاي يشرب في فيلتر ولا كابوسان، الأمور مخطرة بالضبط و الكلنا دخلنا في نفق مظلم ماناش عارفين كيفاش نخرجو منو، و ربي يقدر الخير و برة.
غادة: هاي م الاخر يا جماعة، ها الخوضة هاذي الكل فمة جهة سياسية محلية متحالفة مع أطراف أجنبية هي اللي واقفة وراها، عندي برشة أدلة صحيح مازالت غير كافية أما منطقيا دامغة.
المشهد 2
في نفس اليوم، و في منتصف النهار، فتحي يجلس في الفضاء الداخلي لمقهى شعبي و هو يحتسي قهوة فيلتر. و بعد برهة، أقبل عليه رجل و جلس إلى جانبه.
الرجل: أهلا بوخينا فتحي، آشنهي، مسلبسة كي العادة؟
فتحي: مسلبسة و في الحضيض. القراية مانيش فالح فيها ابي يصرف علي في 120 دينار في الشهر باش نقرا على روحي و آنا هاك تشوف الصباح في قهوة و نص النهار في قهوة أخرى.
الرجل: ما تخافش وخي، نا ابي يصرف علي في 120 دينار في الشهر حق القراية و 200 دينار أوتيد و هويني 7 سنين في الباك و هذا الثامن و نا خرار مرار ع القهاوي و الريستورونات و في الليل نقلبها بيران. الكلنا كي بعضنا ما تخافش.
النادل يقبل على الطاولة
الرجل: نا جيبلي اكسبرس، و دني وحيد جواجم لصحيبنا فتحي على حسابي.
فتحي: آنا راجل ثاير و ناقم ع الوضع نتكلم برشة و قاعد نفضح في برشة حقايق في الإعلام و في الانترنات، تبعوني برشة و حفرولي برشة تكلمت على حقي زدت كليت العصا بالضبط.
النادل يأتي و معه اكسبرس الرجل و جواجم فتحي و يضعهما على الطاولة.
الرجل: جماعة النظام و الفروخ عاملين فيك بالعاني، و راهم عاملين فينا الكل بالعاني، تي حتى في القراية قاعدين يتآمرو علينا و يزورولنا في نوتاتنا، ولا نوابع كيفنا حنا ينجحو الباك م العام الأول بتفوق زادة. اسمع راهي أمريكا ما تحبش الثوار العظماء فوارس العزة الأحرار اللي كيفنا حنا تقوملهم قيامة في ها البلاد، و كيما يقول المثل قص الشجرة قبل ما تطلع، و كلاب أمريكا اللي يوكلو من عندها في الكلوفيس و الكافيار و لحم الغزال باش ترضى عليهم أمهم الحنينة كان يعرفو يضحو علينا الاثنين و يعملو بينا قلاية العيد، الأمور راهي أخطر م اللي تتخيل يا وخي و الضرب راهو دولي.
فتحي: ايه و آش نوة الحل تو؟
الرجل: يا وليدي تبعني و آش يهمك، الليلة ندنولها زوز باجات فايسبوك و نولعوها أكثر م اللي هي والعة و ندنو الشيخة في مخاخنا، نا راني مانيش وحدي عندي جماعتي الكبار الدمادم الفاضلين ورايا و نا نخدم و الجحافل ورايا، عندي صاحبتي الإعلامية اللبنانية نهى، إعلامية قد السما تضرب تقهر في العالم العربي الكل، تو نربطلك الخيوط معاها و تو نزيدو نشيخوها و نركحو جونا بالصح الصح.
فتحي: بارك الله فيك صحيبي، آهو الرجال ولا لوح. آنا م اليوم بدلت نظرتي للعالم و وليت نشوف في روحي الفوق ماعادش اللوطة كي قبل.
المشهد 3
ذات صباح شتوي صحو و مشمس، منار تجتمع في مكتبها مع سوار و حنان و حلاء.
منار: أحنا اليوم باش نلعبو لعبة مخطرة برشة و ممكن نوليو في الأعالي كيما ممكن زادة نباصيو طول. جماعتنا خدمو على رواحهم و الظروف السياسية و الإداري ولات في صالحنا بالضبط و هاذي هي اللحظة بالضبط اللي يلزمنا نستغلوها باش نطلعو. الفروخ اللي حاسبين في رواحهم مناضلين ولاو زاد يشكلو خطر كبير علينا و يلزمنا نضربوهم.
سوار: اسمعي منار وخيتي نا الإداريين الكل تحت ساقي نلعب بيهم لعب، نا وحدي نذبحهم و نعملهم مصلي و خلي جماعتي البنات، تي نخلوهم رماد في عيون القطاطيس و الضرب راهو INTERNATIONAL و جماعتنا قوية جماعة تجيب جماعة.
حنان: آنا إذا حاجتي براجل يا منار نجيبو ليلي يجري بيديه على راسو، آنا الراجل اللي نحب نحلبو و نستعملو بيدق ندخل في مخو و في روحو و نمارسو و نلعبو و نفتنو حتى نخججو خلاص و نخليه هابل علي موت و هايم في بحرو يجري في جرتي و يعمل المستحيل باش يرضيني. أما إذا نزيد نبعثلو البنات و ندخلوه في الغريق في شبكات التحيل الدولية متاعنا، البنات يزبدو بخججوه كيما خججتو آنا و يدخل و يدخل الإدارة في دوالب تضر العباد و تنفعنا أحنا، يحصل هو و يزيد يحصل صحابو معاه و يدخلوا لكلهم في حكايات مع البنات و يخجو و يخججوا العباد معاهم و يدخلو البلاد في حيط أما ينفعونا أحنا.
منار: إسمعو يا جماعة، الإدارة راهي داخلة بعضها و عباد ماهم فاهمين شي يكلطيو في بعضهم و يحفرو لبعضهم يحبو على طلوع وهمي و هوما ماهمش عارفين شكون يمانيبيلي فيهم من بعيد، ضايعين و مضيعين العباد و البلاد معاهم. و على الساحة السياسية هاك تشوف ولات غابة صيودة تاكل في بعضها و البقاء للأقوى و للأكثر قدرة على خداع الشعب و استمالة عواطفه و القورة يمانيبيليو فيهم و يضحكو عليهم. أحنا الوضع المتردي هذا باش نستغلوه لصالحنا، و ما تنساش حتى أحنا زادة عندنا بلدان قوية واقفة معانا، باش ندورو بشوية جماعة م الإدارة و شوية جماعة م السياسة من مختلف الأحزاب، و نعرفو كيفاش نهبطوهم على قلاقلهم و نستميلوهم لينا و ما تنساش يا حنان حتى آنا مرا قوية و نعرف نأثر في الرجال و نفتنهم و نخججهم و نسيطر عليهم و نخليهم هايمين بي أكثر منك وخيتي، و من بعد نزيدو ندوكوها أكثر م الي هي مدوكة و في الوسط ندخلو بحزب سري غير معلن باش ندعيو من خلالو للإصلاح و تهدئة الأوضاع و إعادة الأمور إلى مجاريها، ندخلولها بلغة حقوق الإنسان و كشف الجرائم و الانتهاكات و التجاوزات و نخدعو الإعلام في الحملة هاذي، و IL SUFFIT الحزب متاعنا تقوى و وقف على ساقيه نخترقو الأحزاب و الإدارات الكل و نزيدو ننشرو الخراب و الفتنة باش نخليو العباد ينضمولنا و يتعاونو معانا أكثر فأكثر باسم الإصلاح و الاستقرار و أحنا قاعدين نضحكو ع العباد الكل و ماهو فايق بينا حد، هكاكة نوليو أحنا كابوات في البلاد و بالطبيعة نخليو بعض الوجوه السياسية واجهة لينا باش نحققو جميع أهدافنا.
حلاء: باب باب باب باب باب باب باب، تبارك الله عليكي راكي معلمة منار وخيتي. نا زادة عندي ما نقول في روحي و عندي المخيخ زادة، نا خدمتي معروفة نضيع الشعب بباجات الفايسبوك من برشة كونتوات باش نضيع العيون، و نستدرج العباد و نغلسلهم أمخاخهم و نخدم بيهم بكونتوات الفايسبوك المضروبة اللي باش نعملهم نا و صاحباتي بأسامي سياسيين و حقوقيين و إعلاميين.
المشهد 4
قبل المغرب بعشرين دقيقة، و ذات عشية شتوية ينزل فيها المطر رذاذا، رؤى و سهام في صالون المنزل تشعلان ضوءا أصفرا و هما مستلقيتين على أريكتين تشهدان فلما في LECTEUR CD و تلفاز LCD.
سهام: عاجبك الفيلم رؤى، نعرف نختار ها و راني ما نختارش من فراغ.
رؤي: حتى نا عرفتك ما خترتيهش من فراغ و فمة MESSAGE حبيتي توصليهولي. أما قوليلي، شنهي حكاية الخدم العاجلة و الغير عادية اللي كلمتيني عليها البارح نص الليل في الWHAT’S APP.
سهام: لي شهرين و آنا نقلب في الفايسبوك م الCOMPTE PROFESSIONEL الاحتياطي اللي عاملتو باسم RAI SOGOR و حاطة فيه تصويرتي و آنا بالروبة الكحلة في عرس صاحبتنا، الحاصيلو عرضوني صفة حكايات يخبلو المخ أصل أصل، حكايات و مقالات و فيديوهات ظروفهم تقول اللي فمة حكاية و فمة خدمة كبيرة لي و ليك في الوسط يلزمنا نقدمولها بمنطق كوني و التزام أخلاقي، و راهم جايين من عند جماعة الغاد من دمادم في الحقوق و الإعلام أما غير العباد ما يعرفوهمش و برة على خاطرهم عايشين زوولة يلبسو في دبش م الروبة فيكة ماركة 500 و دينار و يشربو في الفيلتر في القهاوي الشعبية. و زيد جاوني زوز ميساجات من عند زوز كتاب وكالات دوخوني أصل، و مادام عرفو الCOMPTE متاعي هذا أعرف الحكاية راهي SERIEUSE. الحاصيلو فكرت فيك و فكرت في الحكاية اللي حكيتهالي في قهوة ROCK نوفمبر اللي فات.
رؤى: آ سهام وخيتي نا نخدم معاك من آمس موش م اليوم، و نا نحارب معاك حتى النصر. عندي قاضي صاحبي هوينو نهار و طولو يسب في الصهاينة و إسرائيل و قال يعرف عليهم حقايق ماهي حقايق تزلزل العالم الكل قالي يحب يدخل معايا في مهمة جهادية مع الإعلام الدولي تخص الحديث اللي يحكي فيه باش نكشفو الجرايم و الانتهاكات الدولية و نحلو القضاي و نرجعو الحقوق لأصحابها نا قتلو موافق، و زيد برشة مدونين و برشة مفتشين تحمسو للحكاية و قررو يدخلو معانا في العجة.
سهام: ماك تعرف رؤى آنا داخلة معاك في الحكايات هاذي من آمس موش م اليوم، و زيد ها الشهرين هاذم لقينا واحد على ما يبدو بطال و مسكرة في وجهو و مناضل في العهد البائد و عهد اللي يسميو فيها ثورة، قال حتى هو زادة شادد دوسيات قد السما على برشة قضاة و محامين و كابوات في الإدارة و كابوات في الديوانة فاسدين و عندو جريدة دانماركية ينجم يفضحهم فيها بأي لحظة، طلب مني أني نساعدو على ابتزازهم حتى يرجعولو حقوقو اللي سلبوها منو، و زيد عرض علي صف فكرة متاع PROJET طويل الأمد تخجج في المخ خلاص، مشروع يقوم أساسا على التفكير الاستراتيجي الطويل المتغير و مقاومة الظلم و الفساد بأساليب حكيمة لكن جد مدمرة و إقحام الإعلام الدولي في المعارك المتعددة الأوجه مع الوقوف أيضا في صف المظلوم. الحاصيلو PROJET قعدت جمعتين و آنا بحرابشي في جرتو، وافقت عليه و قتلو نبداو الخدمة مع زوز جرايد محلية و جريدتو الدانماركي و في المنتديات الحقوقية موش في الفايسبوك اللي التر و الفر و سارق مغزل أمو يوليو صناديد فيه. الحاصيلو فكرت فيك و قلت خلي ندخلك معايا. و ها الPROJET هذا ما تنساش باش يحللنا برشة حكايات في الثنية مع منظمات غير حكومية و وسائل إعلام و لجان تحقيق رسمية دولية ننجمو ندورو بيهم و نعرفو كيفاش ندخلولهم و يوليو هوما بيدهم حلفاءنا في النضال و يعاونونا في رد الحقوق لأصحابها و رد الكرامة و الاعتبار للعظماء المقصيين المهمشين.
رؤى: و الله كلامك عسل آ سهام وخيتي، و DEJA نا بديت في الكلام اللي كنتي تحكي فيه في GROUPE FERME ع الفايسبوك سميتو INTERNATIONAL RESEARCH AND INVESTIGATIONS و الجماعة اللي دخلتهم فيه الكلهم قد المسؤولية و الكلهم ثقات، ما تنسيش تو نمشو لقهوة ROCK عندنا صاحبتنا تستنى فينا باش تعطينا دوسيات و تفسرلنا برشة حاجات، و بعدين عندنا سهرية DJ في RESTAURANT كوكب الشرق 100 بالمية باش تزيد تجينا فيها 1000 حكاية مهمة م الحيط.
المشهد 5
في الليل، و في مطعم كوكب الشرق، كان هناك حفل راقص بضرب فيه DJ موسيقى غربية. الجميع يرتدون الملابس الفاخرة و يرقصون عدا البعض جالسون على الطاولات التي تحتوي على صحون أكلات فاخرة و مشروبات غازية. رؤى و سهام ترقصان بطريقة هستيرية و هما تصرخان و تصفقان. يقترب رجل من رؤى و يتحدث إليها
الرجل: صحيبتنا المحامية غادة قالتلكم أموركم مريقلة في الحكاية اللي هبطتها في الGROUPE FERME، عندها مجموعة حقوقيين في أمريكا عملو شبكات تحري دولية تضم أحسن محققي العالم و متحالفة بصفة سرية غير مباشرة مع وسائل إعلام ثورية صادحة بالحق، الكلهم يحبو يحطو يديهم في يديك و يخدمو معاك في حكايتك اللي مع العظماء المظلومين المهمشين و ضد الصهاينة و إسرئيل.
رؤى: MERCI BIEN يا سي وخينا، اتهنى نا اللبوة ما ترجعش و ما تتقطعش.
امرأة تقترب من سهام و تتحدث إليها
المرأة: آ سهام وخيتي كلموني برشة إعلاميات دانماركيات قالولي يحبو يدخلو معاك في حكايتك اللي مهبطتها في الكونت متاعك RAI SOGOR. حديثكم راهو وصل للدانمارك و لأوروبا الشرقية الكل و الإعلاميات هاذوما كرسو شبكات محققين متحالفين مع مدونين شعلوها في شمال أوروبا الكل و جابو لصفكم شبكات إدارية استخباراتية إعلامية من غادي، و يحبو يحلو DES AGENCES في دول الجنوب عندكم وين صاير الضرب الصحيح يقودوها مدونين مناضلين يتوقعو الموت في أي لحظة يتحالفو مع صحيبتها المحامية رندة الفالحي هي و صاحباتها و شبكاتها باش تعاونهم بصفة غير مباشرة يخترقو الإدارة و القضاء و السياسة و يركزو على مواطن الفساد و التجاوزات و يتبعوهم و يتبعو الخيط، و من بعد يتولى عملاء سريين بعاد على الشبهات بإيصال كل المعلومات إلى وسائل الإعلام و المدونين الأحرار الثوار باش الخنار الكلو يخرج و يزيدو هوما و الإعلاميين يعملو شبكات متحريين و محققين دولية تزيد تتبع أطراف أخرى بصفة مباشرة و غير مباشرة و تزيد تخرج الحقايق اللي باش تفيق الشعب و تعاونو أنو ياحذ حقو بيدو إذا ما أنصفوش القانون.
سهام: مريقل وخيتي، الليلة نضرب ضربتين خفافي بالفايسبوك و غدو العشرة متاع الصباح نصبح في بيرو المحامية رندة الفالحي و نزيد نتفاهم معها بالصح.
سهام لرؤى: أمورنا عال العال، يلا نحفلوها يلا، و شوية آخر و تو يفرقو الGATEAU ناكلو حتى نتبشمو.
رؤى: GATEAU آه شاخت، اسمعي نا الGATEAU ما نحبو كان بالشكلاطة.
تعود رؤى و سهام إلى الرقص و الصراخ في منتهى الهستيريا.
المشهد 6
في العاشرة صباحا، و ذات يوم شتوي صحو و مشمس، سهام تجلس عند المحامية رندة الفالحي في مكتبها.
رندة: صباح الخير، انت سهام الباجوري موش هكة، و نا فاهمة مليح علاش جيتيني.
سهام: هي بيدها سهام الباجوري، التفاح أحمر ولا أخضر المطعم قبل كل شيء.
رندة: واضح سهام، أسمعيني مليح، المحقق الدانماركي كريستوفر راهو كان بحذايا آمس و مازال في تونس، حكلي ع الخوضة الكل و قالي أموركم مريقلة مع الجماعة الكل في الدانمارك و لتو مازال هنا و بالتحديد في أوتيل الرخاء كان تحبي تنجمي تروحي بجذاه العشية. و بالنسبة لخدمتنا على صعيد محلي جندنا عميل بعيد ع الشبهات هو اللي باش يتلهالنا بالمحققين و الجواسيس الكل اللي هوما بيدهم باش يرمو الصحبة على المحققين و الإعلاميين الدوليين، هو SERVEUR في قهوة الصراف إسمو المنجي المانع، قولي للجماعة الكل يتلمو في القهوة هاذي كل عشية، و ما يلزمش نفس الوجوه تتلم كل يوم ديما نبدلو و نجددو القروبات باش ما نجيبوش لرواحنا الشبهات. و بالنسبة لجيش الفايسبوك جندنا زادة عميلة أخرى بعيدة ع الشبهات، الحجامة ميار بن دلاج كانك تعرفيها، هاذيكا عادي عاد كان البنات يبدو خرار مرار عليها آش قالك و آش قتلك يهزولها في الحلو باش تشد قلبها على خاطرهم يعزوها برشة. الخدمة تبدا اليوم العشية في قهوة الصراف هبطي TOUT DE SUITE رسالة مشفرة ع الفايسبوك، و انت وقتها تروحي بحذا المحقق الدانماركي كريستوفر تحكي معاه بالباهي، و بالمناسبة المحامية غادة حليمي مسلمة عليكم برشة.
سهام: واضح مدام، أمورنا عسل.
المسهد 7
في منتصف النهار، و ذات يوم شتوي صحو و مشمس، رؤى و سهام تجتمعان بصبحي، الرجل النابغة العاطل المظلوم الثائر الذي اشتغل على المشروع العميق، و كل فرد يحتسي كابوسان.
سهام: هي آش عملنا في الPROJET، هاني جمعتين و آنا نجري و نحارب و نربط في الخيوط و نعمل في الحملات الإعلامية و الاجتماعية.
صبحي: نا يا سهام وخيتي جمعة و نا حارق روحي نجري و نحرك و مادد وجهي للكلاط النهار نخدم و الليل ما نرتاحش، نا وليت راسين في نخلة نا و القاضية سناء بن عالم مرة نضرب نا و مرة تضرب هي في قيادة و تنسيق المهام و تنشيط الأعمال، نا دخلت في حرب استخباراتية كبيرة ياسر نقودها و نحارب في وسطها و حاط أمني و حياتي على كف عفريت على جالكم و على جال المشروع النبيل.
سهام: ايه و الأعوان، آش كون باش يخدم معانا تو؟
صبحي: نا بعد جهد إعلامي كبير عاونتني فيه المخابرات و الخطباء متاعنا استقطبت 17 رجل أعمال دانماركي باش يمولولنا المشروع، و إذا حاجتكم بحاجة في الكبير تخص الاستخبارات ولا التفكير الاستراتيجي و حوكمة السياسات عليكم و ع المحامي نبيلة الصالحي مرا ما شاء الله صنديدة م الأكابر و هي صاحبتي راهي، و بالنسبة لخدمة كل يوم عليكم و على قهوة الفراشة كل صباح و خاصة عندنا بناويت أبطال كل عشوية يتلمدو ع الشط مذ بينا كل مرة يمشيلهم وحيد ولا زوز سواء كان راجل ولا مرا.
سهام: ماشية معاك، ما فماش حاجة مبعد؟
صبحي: نا المشروع راني مانيش مخليه FIX على خاطر السيستام الاستراتيجي متاعنا يحتم علينا الدراسة و المراجعة المستمرة، و نا الشي هذا قاعد نعمل فيه كل يوم مع المحامية غادة حليمي و القاضية سناء بن عالم و مخابراتنا الدولية السرية المباشرة و الغير مباشرة قاعدة تعاون فينا راهي.
رؤى: لا اتهنى صبحي وخي ماكش تحارب وحدك، انت تراجع و تفكر و تقود و تخطط من هنا و نحنا نعملو نا و سهام نفس الشي من هنا و نتقابلو ناخذو اللي يصلح من عندك و من عندنا حنا، و نحنا رانا محاربين صناديد نا و سهام انت تحارب في ميدان و نحنا نحاربو في ميدان و العدو واحد و من بعد نتلاقو.
المشهد 8
ذات صباح في آخر الشتاء، العدل المنفذ صالح جالس في مكتبه. يقبل عليه رجل و معه ملف بنفسجي كبير و يضعه له على الطاولة.
الرجل: الدوسي هذا جاك من عند محكم الاستئناف.
صالح: باهي يعيش خويا
صالح يقلب و يتفحص الملف.
صالح: هاو دوسي داخل في حيط هذايا، ملا حالة.
صالح يتصل هاتفيا بنائب في المحكمة.
صالح: ألو
النائب: أهلا سي صالح، آشنهي الأحوال.
صالح: ملا قضايا عجيبة قاعدين يجيوني ها الجمعتين هاذم، شي يحير، زعمة شنية الحكاية؟
النائب: و الله الأمور مخبلة خبيلة هي بيدها و فمة أيادي محلية و أجنبية قاعدة تحرك في اللعبة، و نا بيدي ضعت و دخلت بعضي و ما عاد فاهم شي.
صالح: ربي يقدر الخير و برة.
كاتبة صالح تأتيه إلى مكتبه
الكاتبة: فمة حقوقية أكرانية م الصباح مارجتني بالMESSEGER تحكيلي في صفة حكايات يخججو خلاص، ثبتت منهم بوسايلي الخاصة طلعوا لكلهم صحاح و هزوني لبرشة حكايات أخرين، راهو فمة أيادي خفية قاعدة تحرك في الأمور و أخطر العناصر هوما النساء و الشر الأكبر جاي م النساء.
صالح: لحظة نحل شوية الانترنات و من بعد نزيد نثبت معاك.
صالح يفتح أحد إيميلاته الاحتياطية على الانترنات.
صالح: أبي، هانم جاوني زوز ميساجات من روسيا حتى آنا فرد وقت
صالح يقرأ الرسالتين و يصاب بالصدمة الشديدة.
صالح: مزمرة علينا طول و عرض.
المشهد 9
ذات مساء في آخر فيفري، الأستاذ رمزي يكمل حصة درس قدمه إلى مجموعة من الطلاب في مكتب.
طالب 1: بارك الله فيك أستاذ، أفدتنا برشة و حليتلنا برشة بيبان.
رمزي: مازلتو ما ريتو شي يا جماعة، ماهو إلا درس أولي في التفكير الاستراتيجي و استبطان الحقيقة و هاذيا أمور باش نزيدو نحللوها و نتعمقو فيها في حصصنا القادمة. و توة هاني باش نعطيكم شوية دوسيات باش نخدموهم مع بعضنا يخصو الحقائق الخفية و الانتهاكات و التجاوزات، أعرفو أنكم ماكمش مجرد طلاب عندي أما زادة مناضلين معلقين النجوم.
طالبة 1: أستاذ، حمستنا برشة و بعثت فينا الإرادة و الأمل باش نحققوا الخير و الحق و العدالة، إنت لمحتلنا اللي أوضاع البلاد موش ولا بد و اللي الأمور باش تزيد تتدهور أكثر في السنين القادمة، ماذا بينا كان تفسرلنا الوضعية أكثر.
رمزي: شوف وخيتي، بلادنا اخترقوها الأجانب و يلعبو بيها الصهاينة من بعيد من آمس موش م اليوم، و اليوم صاروا حتى اللي يحكمو فينا بصفة مباشرة غارقين معاهم و برشة أصحاب مناصب حساسة و حتى من عامة الشعب ماشين في تيار الغلط و هوما ماهمش فايقين، هذا ملف آخر تو نخدمو عليه زادة أما موش هنا و موش معايا آنا وحدي زادة.
المشهد 10
في الصباح الباكر، و ذات يوم ربيعي صحو و مشمس و بارد نسبيا، فتحي و صديقه فهد يجتمعان في الفضاء الخارجي لمقهى شعبي، فتحي يحتسي فيلتر و فهد يحتسي اكسبرس.
فهد: آ فتحي وخي خدمتنا قاعدة تقدم برشة و باش ندخلك معايا في قلم بحول الله ما نخرجو منو كان ماليين الشكاير و شاددين الكراسي.
فتحي: بصراحة انت ها النهارين هاذم وليت غير عادي و كلامك يخوف، آ شني الحكاية اللي باش تهزني ليها إن شاء الله خير.
فهد: عندي وحيدة صاحبتي ما شاء الله عليها إسمها منار الصماري باش نهزك ليها، مرا النوار الكل ما يجيش في صبعها، هي رئيسة و واصلة، نمشولها و هي تعاوننا و تطلع بينا، كمل قهوتك فيسع خل نمشو تو، هي تحل البيرو الثمنية.
و بعد برهة أكمل الرجلان قهوتيهما و انطلقا نحو مكتب منار و هما يعبران الشوارع حتى وصلا المكتب و دخلا على منار و جلسا على الكرسيين بجانبها.
فهد: السلام مدام، هويني جيتك و جبتلك معايا صحيبي اللي حكيتلك عليه، و مستعدين نخدمو معاك بقلب و رب.
منار: نعرف من قبل ما تقلي فهد وخي. نقدملكم روحي آنا CHEF AGENT ADMINISTRATIVE JUDICIAIRE و عندنا اليوم مهمة سياسية و إعلامية كبيرة باش نخدموها الكل مع بعضنا باش نصلحو أوضلع البلاد و نقضيو ع الإجرام و الفساد اللي باش يهزنا في هاوية ماكم تعرفو.
فتحي: آ منار وخيتي راك تقول في كلام كبير ياسر و آنا حسب ما نعيش و نشوف الحالة عادية في البلاد، ما فهمتش علاش تلزو فينا نشريو لرواحنا المشاكل بالسيف و نحفرو قبرنا بيدنا.
منار: يا فتحي انت زوالي و راقد على وذنيك و ماك فاهم شي م اللي قاعد صاير حولك. تو نورمال معاود الباك خمسة مرات و المعدل اللي تجيب فيه هو نفسو و هو في الحقيقة معدل STANDARD محددتهولك الدولة الظالمة مسبقا، تو نورمال تبعث جوابات للشركات ما يجاوبوكش و يجيوك مبعد جماعة يبداو يعمرو فيك و يكركرو فيها عليك، و آنا نقلك أنو الجماعة هاذم بوليسية قاعدين يستدرجو فيك. ناسي اللي أمريكا و نظام الحكم الظالم متاعنا ما يحبوش النوابغ العظماء الثوار اللي كيفكم ينجحو و يطلعو و حتى في خدمة يطلعولكم ألف حكاية باش يسحطوكم و يخليوكم تساسيو تحت الحيوط.
فهد: باهي نا و فتحي مريقلين نخدمو و ما يهمناش، و انت راكي عزيزة علينا برشة و راكي نوارة البلاد، أعطينا آش يلزمنا نعملو و باش يلزمنا نبدو.
منار: خدمتكم الأساسية هي المهام الفايسبوكية الإعلامية أولا ثم المهام الاقتصادية اللي باش يكون ليها رابط غير مباشر يخترق الإدارة. باش تكون انت و فتحي جيش فايسبوكي تقودوه للترويج لحملتنا السياسية و الاستراتيجية البعيدة الأمد و الكونية، و باش نبداو نعملو في الكونتوات و الباجات و القروبات كي البطاطا، و تو نتشاورو مع بعضنا على حكاية المنشورات و استراتيجية و سياسة الحملة متاعنا. و بالنسبة لحكاية المهام الاقتصادية باش تدورو على برشة قهاوي تقعدو فيهم و تقدمو رواحكم على أساس أنكم وكلاء لشركات دولية، و تكونو حلقات عمل تمشي تتعامل مع المؤسسات الاقتصادية، و عملاءنا المزروعين فيها هوما اللي باش يوجهو حلقات العمل و يبعثو صحابهم يخترقو الإدارات و يتجسسو عليهم و يحركوهم من غير ما يشعرو و عملاءنا هوما اللي يسيطرو ع الوضع من بعيد.
فهد: واضح مدام، ما عندك كان الرجال.
المشهد 11
ذات صباح ربيعي صحو و مشمس، سهام في مكتب المحامية نبيلة الصالحي تجلس قبالتها.
سهام: صباح الخير
نبيلة: صباح الخير
سهام: آنا هي سهام الباجوري اللي عندي خمسة أيام نحكي معاك و نتشاور معاك و نتخابر معاك بالCOMPTE FACEBOOK اللي مسمية روحي فيه RAI SOGOR، قتلي باللي التطورات بلغت منحى خطير و قتلي باللي عندك حكاية مهمة تنجم تكون منعرج.
نبيلة: أسمعيني سهام الأمور راهي مسلبسة أصل و جماعتنا الكلهم ولو تحت المراقبة و التهديد م الحلف الآخر و ينجمو يمشو فيها و ينجمو يباصوهم صحابهم اللي هوما بيدهم مغلطينهم و يحركو فيهم من بعيد. آش علينا فيه عندي ليك اليوم خدمة مهمة أقوى م الخدمة اللي خدمناها الأيامات اللي فاتت، عندنا قاضي ثاير و يحب حتى هو يصلح و يرجع الحقوق لأصحابها إسمو وديع بن خليفة، السيد هذا عمل وكالة تحري سرية يحركوها عملاؤوا الغير مباشرين باش يتجسس على زملاؤوا الفاسدين و يتعقبهم و يستدرجهم و يعمللهم الكماين، و من بعد يفضحهم في الإعلام و يقاضيهم على صعيد دولي. نحبك تعاوني وكالة التحري هاذي على خاطرها مستحقاتك، أبعثي صاحباتك يرمو الصحبة على عملاء الوكالة هاذي و صحابهم و يجيبولهم الأخبار أول بأول و يربطولهم الخيوط و يعطوهم أهداف جديدة ينجمو يتبعوها بصفة غير مباشرة. عندي ليك خدمة أخرى زادة، و فمة برشة مبدعين باش يهزو البلاد في هاوية من غير ما يشعرو كان ما نأطروهمش و ما نوجهوهمش، نحبك تبعثي أساتذة للجماعة الهايمين في القايمين و اللي عندهم طاقات ما لقوش وين يصرفوها، الأساتذة هاذم باش يدربوهم و يكونوهم و يعلموهم و يبعثوهم في مهام إعلامية اجتماعية مباشرة مع رجال أعمال يخدمو في الإشهار و مع قنوات إعلامية إذاعية، و في مهام استخباراتية غير مباشرة مع صحاب جماعة في الإدارة يعطوهم الأخبار يهزوها لصحاب جماعة أخرين في الإدارة و القضاء و السياسة يعطوهم أخبارهم و هوما بدورهم يهزو الأخبار للجماعة الأولين و يعملو شبكات في الوسط تتعقب و تستدرج الجماعة المشبوهين بصفة غير مباشرة و تعمللهم الكماين القانونية و الإعلامية باش هوما يباصو رواحهم برواحهم من غير ما يشعرو و ما ليهم كان الفضيحة ثم الفتنة، و يقعد كل فريق يتشاور مع الآخر و يتعاون معاه في رسم الخطط و الاستراتيجيات و يحضر معاه المشاريع و الرؤى و الأهداف المستقبلية القريبة و البعيدة اللي باش نخدموها بالتمشي السابق.
سهام: واضح أستاذة، كلامك وصل و فهمتو الكل، و بيناتنا الCOMPTE FACEBOOK RAI SOGOR و كان كثرت عليه العيون ندوروها WHAT’S APP عندي COMPTE آخر إسمو LIU BRAIN و حاطة فيه تصويرة كرهبة R8 كحلة.
المشهد 12
ذات عشية ربيعية صحوة و مشمسة، النساء مجتمعات على الشاطئ و هن مستلقيات يمزحن مع بعضهن بعضا و يداعبن بعضهن بعضا. يقبل شاب عليهن و يجلس إلى جانبهن.
الشاب: ربي يفضلكم يا نساء الخير، و الله آنا شاب زوالي و جايب 12 معدل في القراية أما راني عندي في مخي و عندي إبداع ماهو مستعرف بيه حد. آنا راني إنسان عاطفي و حساس لكني في نفس الوقت قارح و نفعل فعل صحيح، أثرو في برشة نساء العامين هاذومة الحق و زادت عرضتني برشة حكايات تخجج في المخ أصل، قريت الكتب و تفرجت في أفلام و كليبات ماهيش اللي يجي، و توة بالباجات العجيبة اللي داخل فيهم بالفايسبوك و بالحكايات و المفاجآت اللي قاعدة تعرضني من عند نساء زلازل، حكايات يستحيل باش تكون لعبة و يستحيل باش نرضى بالروتين و نبقى في وضعي العادي، الحاصيلو دوخوني النساء دوخة صحيحة و من بعد تبعثت في نخوة كبيرة و تبعثت في حماسة و نار لهابة باش ننطلق انطلاقة جديدة و نتطور و نولي بطل ملحمي ما عادش هاكا التلميذ الزوالي اللي نهار السبت يعدي 4 سوايع قاعد في نفس القهوة على كاس فيلتر. م الاخر راني نحب ندخل في حكاية معاكم و نحط يدي في يديكم و نتحالف معاكم جنبا إلى جنب و نقدح إلى الأمام، نحب بالحق نولي بطل على يديكم.
إحدى النساء: إسمع وخي أحنا رانا فاهمينك م الاخر علاش جيتنا و آش تحب و لوين تحب توصل، و أحنا رانا خوتك و بيناتنا كان الود و المحبة، أي مشكل ولا حكاية إيجانا للشط في أي عشية و يا ألف مرحبا بيك، أحنا تو باش نعطيوك زوز مهام استخباراتية يظهرو ساهلين أما هوما صعاب و يطولو برشة. دريد الخديمي يظهرلي تعرفو، ما يقراش معاك فرد قسم أما زميلك في نفس الLYCEE، السيد هذاكا تبعو و أعطيه نصوص و أعرف كيفاش تركحو باللغة و تدخللو في مخو و قلو أنشرهم في الفايسبوك و آش يهمك، هو زوالي و خاطيه أما فمة جماعة على صعيد دولي وراه و هو ما هوش فايق بيهم، باش يجيوه برشة كومنتارات على المنشورات هاذم يظهرو تافهين أما هوما مهمين ياسر، هوني تجي مهمتك الثانية هي أنك تدور بواحد من صحابك و تدخلو معاك شريك و توصيه باش يراقب PROFIL FACEBOOK متاع دريد الخديمي ليل و نهار و يطبع الكومنتارات ع المنشورات متاعنا الكل دون استثناء أي COMMENTAIRE، و فمة GROSSISTE متاع حليب غبرة إسمو البحري العبيدي قلو يمشيلو و يهزهملو الكل، و كي يجيه أول مرة قلو ما ينساش يقلو كلمة السر متاعنا "الحوتة تاكل القمح و الدجاجة تقعد جيعانة". واضح يا نافع وخي.
نافع و هو يصرخ متحمسا: أفرحو يا نساء ما عندكم كان الرجال، اليوم نصدم موش غدوة.
المشهد 13
في منتصف النهار، و ذات يوم ربيعي دافئ، أستاذ يجلس على الصخور مع القاضي وديع بن خليفة في غابة صنوبر و صفصاف خالية.
الأستاذ: أحنا اليوم نخدمو في حكايات إبداعية ثورية للغاية الضرورة تحتم علينا أننا ندخلو عليها الاستراتيجيا و الاستخبارات في الوسط على صعيد دولي. عندنا تلامذة نوابغ عملو PROJET مركب يخجج في المخ خلاص، الجهات الرسمية الدولية الكل خافوا و هربو م المشروع و حتى جهة ما حبت تدعمو قال شنو يخرق خطوط حمراء دولية. و آنا اليوم جايك بالذمة باش تعاونني، نعرفك صيد و ذراعاتك طوال.
وديع: نعاونك وخي نا و الصيودة متاعي و كان نعرف نقمر بحياتي.
الأستاذ: آنا اليوم نلوج على القواعد الشعبية و LES SPONSEURS الدوليين للتلامذة هاذم باش يربطو خيوطهم و علاقاتهم و باش خدمتهم تضرب و توصل بالصحيح، و نا زادة نحب على الدعم الاستخباراتي المباشر ولا بوسائط غير واعية يعاوني نا و التلامذة باش نحاربو الأعداء بطريقة أو بأخرى.
وديع: شوف وخي نا تو باش نعطيك SERIE متاع ليانات انترنات ما نحب حتى إنسان غيرك يشوفهم، قيدهم في الSMARTPHONE متاعك و أدخللهم بالانترنات و إخدم عليهم، خدمة كبيرة و فيها برشة مراحل و ستاجات و ممكن تقعد فيها حتى عامين.
الأستاذ: بارك الله فيك يا معلم، نصب خمسة لاف أنترنات و نعمل ضريبة باهية اليوم العشية.
المشهد 14
في يوم ربيعي صاف، و بعيد المغرب، الأستاذ سمير الذي ذهب في مشهد سابق إلى القاضي وديع بن خليفة يذهب إلى منزل حماص.
سمير: كيما قتلك الخدمة اللي مفسرتلك في الورقة وسع بالك و اخدمها يالمرحلة بالمرحلة على الانترنات و في الميدان، و دخل جماعة اللوز الطلاين في العجة راهم يعاونونا برشة. و بالنسبة لخدمة الإعلام و الاستخبارات إبعث صحابك يدخلو بصفة غير مباشرة في قهوة الرخاء و قهوة عادل.
و بعد أن غاب الشفق الأحمر، و بينما هم الحماص بدخول منزله، كان أحد العملاء ذاهبا إليه من أجل شأن يخص عمل الشبكة، يقبل عليه رجل.
الرجل: ما نعرفش عليك آش ناوي تعمل مع صحيبنا الحماص تو بالضبط أما جيتك بأمانة رسالة قلو القاضية سمر بن صافي حاجتها بيك غدوة العشرة متاع الصباح بالضبط في المحكمة.
العميل: مريقل، ميساجك وصل.
العميل يذهب إلى الحماص الذي كان ينتظره في باب المنزل، ثم يدخلان سويا إلى المنزل.
المشهد 15
الحماص عمار و القاضية سمر بن صافي يقفان أمام المحكمة في الموعد المحدد في المشهد السابق، و جاسوسة سرية تراقبهما خفية دون أن يتفطنا إليها.
عمار: نا جيتك مدام على خاطر قالتلي المصادر الموثوثة أنك حاجتك بي في قضية أكيدة، و اتهني مدام أمورنا مع جماعة اللوز الطلاين ماشية في الإيجابي و أمورنا في قهوة الرخاء و قهوة عادل عسل على عسل.
سمر: نا راني ما ناديتكش اليوم أما مليح كي جيتني، شوف وخي انت تخدم في خدمة كبيرة و نا باش نزيد نأكدلك على هاكي صبرة حسوني متاع الTOPNET و على جماعة الترافيك متاع حليب الغبرة و على رأسهم خليل بن شعال، الجماعة هاذم تزيد تقوي معاهم النسق في مهامنا السرية اللي باش نقودوها بصفة غير مباشرة و اللي تتعلق أساسا بالإعلام و الاستخبارات و التفكير الاستراتيجي، و نا تو نزيد نبعثلهم جماعتي يزيدو يسندونا م الشيرة الأخرى، و زيد إبعث صحابك يركزولنا أساسا على خلايانا السرية في القهاوي اللي يقودو المهام الاستخباراتية بصفة غير مباشرة، و زيدو إنزلو عليهم بليانات الانترنات الموجهة و المصوبة بإتقان و بالرسائل المشفرة اللي يحولها عملاءنا من الصحفيين إلى مقالات ثورية في الوقت المناسب جدا، واضح كلامي وخي.
عمار: واضح مدام، نا نخدم أما لازم حتى الجماعة زادة يفهمو و يخدمو و يكون قلبهم حديد.
عمار ينصرف و يقطع الشارع الأول، و الجاسوسة التي كانت تتعقبه تقطع الشارع المقابل بسرعة مدروسة جدا حتى تتعمد أن تتقابل معه عند المنعطف.
الجاسوسة: السلام عليكم، بربي انت هو سي عمار العويني الحماص؟
عمار: ايه نا هو، تفضلي وخيتي.
الجاسوسة: إسمع وخي آنا راني الساعة شوية كنت نقهوج آنا و صاحبك سي المنجي بن أحمد (العميل الذي ذهب إلى منزله عند الغروب في مشهد سابق)، و راهو قلي اللي غدوة عندك نهار حافل، سي خليل بن شعال حاجتو بيك التسعة متاع الصباح في قهوة عادل، و مدام صبرة حسوني حاجتها بيك الأربعة متاع العشية في الغابة اللي بعد الواد و مقابلة الهفهوف يظهرلي فيها حاجتها بيك في مهمة خطيرة ياسر.
عمار: بارك الله فيك مدام، يظهرلي فيك جبتيلي مفاجأة سارة.
الجاسوسة: من غير مزية وخي.
الجاسوسة تنصرف و تتصل هاتفيا برجل خدعته هو صديق خليل بن شعال
الجاسوسة: ألو، سي عزيز دربال معايا.
عزيز: إيه آنا هو، تفضل
الجاسوسة: و الله جبتلك مهمة سرية م الحيط للحلف الكبير متاعكم، م الاخر سي المنجي العويني كلمني اليوم الصباح و قالي اللي صاحبك خليل بن شعال حاجتو بيك أكيد غدوة التسعة متاع الصباح في قهوة عادل. غير ما عندوش نومروك باش يكلمك.
عزيز: بارك الله فيك وخيتي على الفعل الباهي، باهي تو نوصل الميساج لصاحبي خليل.
المشهد 16
في التاسعة صباحا، و ذات يوم ربيعي مغيم، عمار يجلس في طاولة بجانب خليل بن شعال في الفضاء الخارجي لمقهى عادل، و كان الرجلان يحتسيان فيلتر. و في الطاولة المقابلة يجلس جاسوس يراقبهما دون أن يتفطنا لأمره.
عمار: نا جيتك، و الخدمة متاعي تقدم برشة، و عندي برشة حكايات مهمة ليك.
خليل: و الله حتى نا زادة عندي برشة حكايات مهمة ليك
عمار: بالنسبة لجماعة حليب الغبرة اللي قاعدين يخدمولنا مليح في برشة مهام استخباراتية و إعلامية و استراتيجية سرية بصفة غير مباشرة ماذا بي كان تزيد تلزهم بطرق متقطعة أنهم يجيبولنا شوية سبونسورات بأساليب غير مباشرة زادة يمولونا و يدعمونا و يوصلونا للخلايا الاستخباراتية و القواعد الشعبية الدولية الغير مباشرة اللي باش توصلنا لبرشة خطباء يعملو الحملة و التعبئة بصفة مباشرة و غير مباشرة علنا في الإعلام و مواقع التواصل الاجتماعي سرا و يبعثو صحابهم ينشرو الحملة في القهاوي.
خليل: أمورك مريقلة وخي، و نا زادة باش ناخذ شوية م الخلايا السرية هاذي و نخليهم يوصلونا لبرشة رجال أعمال سويديين و دانماركيين بصفة غير مباشرة تمانيبيليهم القواعد و الخلايا متاعنا و تخش في أمخاخهم و تخليهم يتحالفو مع الإعلام و المؤسسات و السياسة زادة باش يعملو برشة مشاريع نافعة تخدمنا بصفة مباشرة و غير مباشرة.
عمار: مشات معاك وخي، من غدوة الصباح نبدو نحركو.
المشهد 17
عمار يذهب إلى الموعد المزعوم في الغابة، و قد سطعت الشمس في تلك العشية (الرابعة مساء)، و بقي يتجول في الغابة من هنا و هناك و كله شوق للموعد المزعوم. تباغته منار و تستل المسدس و تسارع بإمطاره بسبع رصاصات في كامل أنحاء جسمه ترديه بها قتيلا. تنزل شريكتها من سيارة الKIA البيضاء التي كانت رابضة بجانب الهفهوف و هي تحمل بيدوني بنزين، ذهبت منار و أحضرت بيدونين آخرين، تعود منار لتكون شريكتها قد وصلت أمام السيارة لتحضر البيدون الخامس، تسكب كلتا المرأتين البيدونات الخمسة على الجثة بصفة متوازية و البيدون الأخير سكبته منار، ترمي منار عودي ثقاب و تهرب المرأتين بسرعة نحو السيارة في وقت اشتعلت فيه ألسنة اللهب بشدة في الجثة، تهرب السيارة بسرعة، و شريكة منار هي من تقود السيارة.
المشهد 18
في الفضاء الداخلي لمقهى شعبي، و ذات عشية صحوة و مشمسة في آخر أفريل، فهد و فتحي يجتمعان بثلة من الشباب هم عبارة عن تلاميذ ثانوية فاشلين.
فهد يصرخ: يا فيقة الطاولة كاملة على حسابي اليوم
فهد: يا جماعة نا راني جايبكم اليوم على خاطر عارفكم عظماء و ماكمش اللي يجي، و انتم راكم مبدعين موش ضايعين، مناضلين موش خلواضة، إنتم نوابغ و مفكرين كبار ظلمتكم الدولة و ظلمكم النظام الحاكم و ظلمكم النظام التعليمي الفاشل جدا، و اليوم نا باش نهزكم لوحدة صحيبتي مرا صيدة تخجج و تقربع العالم الكل، مرا واصلة هي بيدها تحرك في برشة كابوات في العالم، مدام منار الصماري مجاهدة ما شاء الله أنظمة دول مثل أمريكا تخاف منها و تحسبلها ألف حساب. شوية آخر و نمشولها.
المشهد 19
في مكتب منار الصماري، نفس جمع المقهى يجتمع عندها.
منار: آنا راني فخورة بيكم و عارفتكم آش تحبو بالضبط، تحبو تجسدو كيانكم في العالم و توليو أبطال و تحسو بمفخرة الرجال كل يوم و هذا عظيم. إنتم أبطال ماكمش كلوشارات فاشلين أما غير تنقصكم شوية ثقة في النفس و ينقصكم برشة فعل، إفعلو راهو ماهوش عيب و ماهوش جريمة، في وقتنا تو الحبوسات مليانة بالأبطال و الحكومات مليانة بالمجرمة، الصهاينة اليوم يحبو يقتلو النخوة اللي فيكم و يحبو يقتلو العظماء المبدعين المجتهدين اللي كيفكم بالشر و يحبو يخليوكم تحت الحيوط عبيد و لحاسة، و انتم يلزمكم تكونوا شجعان و تتحداوهم و تفعلو. برشة عباد حياتهم تحطمت و تلفقتلهم عشرين ألف قضية خطيرة في جرة الاجتهاد و الحرية و الإبداع، و إسرائيل اليوم خانقة العالم برجال الأعمال و بالمخابرات، أما اتهناو، اللعب هذا الكل ما يمشيش معايا آنا، آنا صيدة فتاكة و ذراعاتي طويلة في العالم الكل و ورايا جيوش و مجاهدين و فنانين و رجال أعمال عندهم القوة الكافية باش يتحداو الصهاينة و إسرائيل و آنا اليوم فكرت فيكم باش آنا نعاونكم أوقات ضعفكم و إنتم تعاونوني أوقات ضعفي، اليد في اليد بيناتنا GROUPE FACEBOOK FERME تو ندخلكم فيه الكل واحد واحد إسمو UNITED BUSINESS أطلقو العنان فيه لإبداعاتكم و صوتكم يوصل في العالم الكل، تستحقو حاجة ولا حكاية ولا خبيلة نكلمكم، و ما تنساوش تطلو علي مرتين في الجمعة على الأقل أما كلموني قبل ما تجيو ب 12 إن ساعة.
المشهد 20
ذات مساء في آخر الربيع، و في مكتب الأستاذ رمزي، رمزي و مرام يجتمعان بثلة من الطلبة الشبان.
رمزي: يلزمكم تعرفو أنو الحرية و الاستقلال أكبر كذبة عايشين فيها اليوم، أحنا ما استقليناش و المنظومة الاستعمارية الأوروبية مازالت تحكم فينا و ولينا عايشين في استعمار مقنع. اليوم يضربو فينا العزة و النخوة و الحرية، و مبعد ما دخلو الصهاينة ع الخط المصيبة ولات دولية. في الأمة العربية ما ينجحو كان الحثالات ماكم تعرفو، الصحاح و النوابغ يدمرولهم حياتهم و يلفقولهم القضايا و يدكوهم في الحبس. حتى في الخدمة المعيار الحقيقي في الخدم الباهية ولى الولاء و العمالة للصهاينة، و اللي ناجح بشهايدو و بتفوق ينجمو حتى يتهموه بالغش و يطعنو في شرعية شهايدو. عباد كلوشارات همل ما جاو شي يملكو ثروات ماهي ثروات و يهيمنو ع البلاد و المصادر الله أعلم بيها. الديمقراطية كذبة كبيرة يضحكو بيها علينا، المبدعين يتهموهم بالإرهاب و يقتلوهم و يقيدوها ضد مجهول، اختفاء قسري و سنوات طويلة في السجن في قضايا غامضة، إي نعم أوروبا اليوم تمارس علينا في استعمار أبشع من استعمار القرن الفارط البارح يقتلونا القورة و اليوم يقتلونا طحانة بلادنا، يلزمنا نقاومو، إي نعم يلزمنا نقاومو.
طالب: أستاذ، معناتها الفساد و الانتهاكات و التجاوزات اللي تسيطر ع الشرطة و العدل و القضاء و الإدارة السبب فيها أوروبا و ينجمو يكونو السبب فيها بصفة مباشرة و غير مباشرة.
رمزي: كلامك صحيح في جزء هام م اللي تحكي فيه، لكن ما تنساش زادة اللي الفساد و المحسوبية و عدم الامتثال للقانون عقلية مكرسة في الأمة العربية منذ أمد بعيد و زيد جا الاستعمار و زاد دعمها و دعم الجهل و التخلف في بلادنا.
مرام: و بالمناسبة نقدملكم روحي، آنا مرام حمادة رئيسة منظمة حقوقية دولية تسعى أساسا لمقاومة الممارسات الاستعمارية و الاستبدادية المقنعة في العالم الثالث و نشر الحرية و الديمقراطية و تحسين الحالة الاقتصادية و النفسية للشعوب، أحنا منظمة تجينا قضايا سياسية و استخباراتية صادمة و مؤثرة جدا بشكل شبه يومي، و جماعتنا فوارس جنود بواسل في حلها، و أحنا منظمة أكثر عباد نتعرضو للمضايقات و الانتهاكات و المؤامرات على صعيد دولي و م الاخر و حاليا شطر أعضاءنا في الحبوسات و خلال 10 سنوات قدمت المنظمة متاعنا 318 شهيد حول العالم و أحنا مازلنا نقاومو و مازلنا نجاهدو.
طالبة: مدام مرام كلامك راهو عسل و آنا نرا فيك بالفعل الفارسة اللبوة المجاهدة، حتى آنا عندي برشة حكايات يدوخو خلاص، و حاجتي بيك مبعد على انفراد في القهوة المنتزه اللي ع الشط نعملولها سهرية عالمية.
المشهد 21
في العاشرة صباحا، و ذات يوم صحو و مشمس في الأسبوع الأخير من ماي، هناء (الطالبة التي حضرت مع الأستاذ رمزي في مشهد سابق) تجلس مع امرأة تدعى نصيرة على كرسي في الحديقة العمومية.
هناء: اسمعني نصيرة وخيتي آنا راني مرا ثايرة و مناضلة عندها طموحات دولية جبارة، و راني ذقت المر و الويلات م الانتهاكات و التجاوزت و صارتلي غرايب و اتعداو علي برشة عباد، وليت صغيرة في العمر و كبيرة في الخبرة. اسمعني البارح كنت بحذا هكا اللي يقولولو الأستاذ رمزي و قالو عليه ثاير حقوقي دولي و حبيت نشوفو ينجمشي يقدملي إضافة، بصراحة الراجل هذا يقول في شوية كلام صحيح و معقول، أما راهو من عينيه و من تضارب حكاياتو تحسو واحد بلعوط هو بيدو و ذيب شارف و يشوت علينا في الكبير أما هاكي صاحبتو مرام ما قال حد لحد انفردت بيها في الشط و حبيت نجسها، المرا هاذي ماذا بيك كان تبعد عليها بعد السما ع الأرض.
نصيرة: أسمعيني هناء وخيتي راكي مازلتي صغيرة و برشة حكايات مازلتي ما تعرفيهاش. نا رمزي هذا نلعبو على صبع ساقي و صاحبتو مرام نكور بيها تكوير نا فايقة بيهم و مهفة عليهم كلاب غدارة يوخذو في الفلوس من إسرائيل أخطاكي منهم خير. نا نعرف صفة رويجل، صيد حكام أمريكا يرعشو منو موت، هو مجاهد حق أسد و مافيا متاع مخابرات و يعاون برشة في المظلومين و المضطهدين و العباد اللي دمرولهم الصهاينة حياتهم، هوينو حالل دبو متاع مقرونة قدام قهوة الناصر، كان تحبي إمشيلو بين الأربعة و السبعة متاع العشية، أما الأحسن ما تمشيلوش وحدك إمشيلو انت و هاكي صحيبتك سهام الباجوري.
هناء: و الله انت صاحبة عظيمة و إنت أختي الكبيرة و سهام متثقفة علي و تفهم أكثر مني، باهي اليوم الأربعة متاع العشية بإذن الله تو نجي نهز صاحبتي سهام من عند الحجامة عندها حصة SOIN لوجهها و يديها و ساقيها، و نمشي للراجل آنا وياها.
المشهد 22
في الثالثة و النصف مساء، و الطقس صحو و مشمس، هناء تنتظر سهام أمام دكان الحلاقة، و بعد برهة تخرج سهام و هي في منتهى الروعة و الجمال و الفتنة في وجهها الذي صار أكثر بياضا و نقاء و في نقاء يديها و أظافر يديها الطويلة و النقية و بالمثل قدميها و أظافر قدميها في الصندال المكشوف.
هناء: ياااااااااا يا سهام وخيتي، شو ها الزين، راك تقتل خلاص
سهام: حتى هي الحجامة عملتهولي SOIN صحيح 3 سوايع عذبتني فيهم عذاب أليم.
هناء: هيا نمشيو لعمك حافظ اللي حكيتلك عليه ما عادش بكري.
سهام و هناء تهرولان نحو مخزن العم حافظ للمقرونة حتى بلغتاه فدخلتا و جلستا على كرسيين بجانب حافظ.
هناء: عسلامة سي حافظ، نعرفك صيد و هازز العالم و أمريكا ترعش منك، راني صاحبة نصيرة الرداعي كانك ما تعرفش و هاذي صاحبتي سهام متثقفة أكثر مني و تنجم تعلمني و تخدم خير مني.
حافظ: اسمعي يا هناء وخيتي الأمور في العالم راهي مسلبسة أكثر م اللي تتصوري، دول تاكل في بعضها و هي ماهي فاهمة شي. نا بيدي دخت و دخلت بعضي و وليت نخدم بالحاسة السادسة، أسمعي نا تو باش نبعثك ل GROUPE FACEBOOK تدخلي فيه و ما تقولي لحد، إسمو BUSINESS 87 أبعثي أنفيت و نا تو نوصي مولاتو السويدية باش تقبلك. و انتي يا سهام كيف كيف أبعثي أنفيت للقروب، و نحبكم تكونوا قارحين و تولعوها في القروب، و تو تتعرفو على برشة دمادم و مجاهدين دوليين غاديكة تحطو اليد في اليد و تصنعو الثورات في البلدان الكل باش تغيرو العالم.
سهام: إيه يا حافظ هاذي عاد ساهلة، ما فماش حكاية أخرى نزيدو نولعوها بيها بالصحيح؟
حافظ: مازال يجيكي الضرب على المدى البعيد، عندي صاحبتي حلاء خليل مرا تصدع المخ خلاص، المخابرات الأمريكية تلحسلها صباطها موش لعب، إمشولها الاثنين تو هي تهزكم لقهوة يجتمعو فيها النساء نهار 17 من كل شهر م الساعتين للأربعة متاع العشية، و هذا سر استخباراتي ما يلزمو يخرج لأي إنسان.
سهام: واضح سي حافظ كلامك وصل، نهار 17 جوان ولا جويلية تو ننسقو و نشوفو و تو ماك تعرف العنينن في البلاد برشة و يلزمنا نمشيو لا تو العباد يشتبهو فينا و فيك.
المشهد 23
في الخامسة صباحا، سهام نائمة على سريرها و هي متدثرة ب COUETTE و هاتفها البسيط NOKIA بجانبها على الطاولة. و فجأة، يرن هاتفها فتستيقظ سهام بعد ثوان معدودات و ترد على الهاتف.
سهام: ألو شكون معايا
رؤى: ألو معاك صاحبتك رؤى، نا عندي راجل، هو ETUDIANT ليه ساعتين و هو بحذايا في القهوة الحاصيلو حكالي حكايات دوختني و خججتني في مخي أصل و نا تو مصدومة و داخلة بعضي و الراجل راهو يقول في الحق ماهوش يفلطي نا كبيرة و عندي خبرة و نعرف، ن شوية آخر باش نجيك نا وياه للدار، حضري روحك فيسع و أشربي قهوتك.
سهام: على كل حال مرحبا بيكم
أبعدت سهام الدثار بسرعة و نهضت من السرير و ركضت نحو المطبخ، سهام ترتدي من أجل النوم خلعة بيضاء و سروالا فضفاضا أبيضا و هي تسير داخل المنزل حافية القدمين و لا ترتدي خفين، دخلت المطبخ و أخذت معد القهوة EXPRESSO الذي يوضع على النار، ملأت قاعدة المعد بالماء ثم وضعت فوقها الكسكاس و ملأته بالبن المخلوط بالشعير ثم وضعت الغطاء العلوي فوق المعد و أحكمت إغلاقه. أشعلت البوتاغاز بولاعة إلكترونية و وضعت فوقه معد القهوة ثم ركضت نحو غرفتها و أغلقت الباب من أجل ارتداء ملابسها. خرجت بعد برهة من الغرفة و هي ترتدي فستانها الوردي و صندالها المكشوف الأبيض قد سرحت شعرها بأسلوب تقليدي. و بعد ثوان رن الجرس فركضت سهام و فتحت الباب فإذ بهما رؤى و الرجل الذي كان معها. أدخلتهما سهام إلى الصالون و دخلت هي إلى المطبخ و أطفأت البوتاغاز و ملأت كوبا من القهوة ثم لحقت برؤى و الرجل إلى الصالون و شرعت تترشف الكوب.
الرجل: يا وخياتي الأمور راهي مسلبسة أكثر م اللي تتخيلوه إنتم و راهو الضرب على صعيد دولي من قبل جهات دولية مربوطة ببعضها هي و اللوبي الصهيوني الدولي، الانتهاكات و الجرايم في العالم بلغت منحى خطير ياسر و العباد ما عرفوهاش و المحققين ما عرفوهاش و الحقوقيين ما عرفوهاش و الإعلام الجبان يعتم عليها و الإعلام الثوري يعطي في حكايات غالطة بعيدة على حقيقة ما يجري. راهي التهديدات في بلادنا تشمل كل شخص يشكل ربع خطر على الصهاينة في العالم و انتوما الزوز راكم على راس قائمة الاستهداف كانكم تعرفو، و راهو فمة عصابة خطيرة ياسر في البلاد تخدم في الصهاينة حتى النخاع و هي أكثر من يدعي علينا الجهاد ضدهم و نشدان الحرية و العزة و النخوة و محاربة الظلم و كشف الحقائق، و العصابة هاذي للأسف غلطت الشعب و الإعلام زادة و هي عصابة الغاد من واصلة في السياسة و القضاء و الإدارة، و ها العصابة هاذي راهي مربوطة بعصابات أخرى من كامل أقطار العالم يخدمو في تحالف و توافق و انسجام خدمة لأسيادهم الصهاينة اللي قاعدين يضخو عليهم في مليارات زرقة في النهار، نا تو عندي صحيبي محقق أمريكي راجل و ثقة و وليدها و يفعل، و هو بيدو خير رابط لمئات شبكات التحقيق الدولية الباحثة عن الحقيقة و رد الحقوق لأصحابها و محاسبة الظلام و المجرمين فوق القانون بالقانون أو بالقانون الدولي أو بالشرعية الثورية، هذا الLIEN متاعو فايسبوك أبعثولو أنفيت و آش يهمكم، أما ما نحب يشوفو حتى إنسان غيركم الزوز، حتى إنسان.
رؤى: نا ننصحك سهام وخيتي تبعي الراجل هذا و شوفي لوين باس توصلي معاه، نحنا في كل الأحوال داخلين في الربح خارجين م الخسارة.
سهام: نعرف رؤى، و الله راجل طيب و محلاه و بصراحة عجبني، و آنا بالعكس تو وليت خايفة عليه برشة لا هو يعملو فيه حكاية.
المشهد 24
في الثالثة و النصف مساء، و ذات يوم في أول الصيف صحو و مشمس و لطيف، نسيم (الرجل الذي قابل رؤى و سهام في المنزل) يجلس بجانب هناء في الفضاء الخارجي لمقهى، و كلا الطرفين يحتسيان كابوسان.
نسيم: آ هناء وخيتي و الله قالولنا صحاب رؤى و سهام على نساوي يتلمدو كل عشية ع الشط، نساوي من كل مكان و وظيفة دمادم مبدعين يخججو في المخ خلاص و حكاياتهم تدوخ و تزلزل العالم و ينجمو يعاونونا برشة و ننجمو نوصلو معاهم لحكاية عظيمة في خصوص الخبابل و الخنار اللي توصلنالو مع رؤى و سهام و نبيلة الصالحي.
هناء: و الله آنا بيدي نرا حكاية ها النساء موش نرمال بالكل و ينجمو يوصلونا للي عمرنا ما تخيلناه
نسيم: باهي هي نمشو تو.
يذهبان إلى النادل و يدفعان حساب القهوتين
المشهد 25
على شاطئ البحر، مجموعة من النساء مستلقيات على الرمال. يقبل عليهما نسيم و هناء.
نسيم: و الله نا جيتكم اليوم، و سمعت عليكم برشة حديث باهي و نعرف عندكم حكايات غير عادية، و نا راني صاحب رؤى الفيتوري و سهام الباجوري و نبيلة الصالحي، و جيت باش نحكيلكم ع الخبيلة اللي وصلنالها.
امرأة 1: و الله أحنا نعرفوك راجل باهي و مناضل و نعرفو اللي انت و صاحبتك هناء جايبيلنا الجديد اللي ممكن بقلبها علينا خلاص
نسيم: نا عندي تو خنار أحرف يخص لوبيات الفساد اللي تحكم في البلاد و الموساد و عصاباتها و خلاياها و العباد اللي عداتها عليهم، و صحيبتي سهام وصلت لبرشة حقايق مخطرة ياسر بهذا الصدد و وصلت لبرشة عباد و عملاء جرايمهم تحطهم في الحبس مدى الحياة، هذا إذا فمة قانون في البلاد أصل، و هي متحالف مع المحقق الأمريكي STEVE RIKARDSON باش تزيد تتوصل لأكثر حقايق و أسرار تخصهم و تجمع الأدلة و تألب عليهم الرأي العام الدولي و الإعلام و تخلي العباد هوما اللي يكيدولهم في حال ما قدرناش نطبقو عليهم القانون نألبو عليهم أجهزة و منظمات دولية.
هناء: و بالمناسبة، آنا تو عندي دوسيات صادمة و مخطرة ياسر على برشة سياسيين و إداريين و قضاة و إعلاميين كان نحكي فيهم للعموم إلا ما تقوم ثورة في البلاد، و ما ظاهرلي كان العدالة باش تأخذ مجراها في شأنهم على خاطر شطر اللي شاددين البلاد ولا أكثر هوما بيدهم مورطين.
امرأة 2: أموركم مريقلة نحنا نعاونوكم باللي نقدرو استخباراتيا و اجتماعيا و إعلاميا و رانا عندنا صاحباتنا أمريكيات عندهم خيوط دولية هوما بيدهم تو يزيدو يولعوها بالصحيح في العالم الكل.
المشهد 26
يوم 17 جوان، و في الرابعة مساء، كان نسيم نائما في المنزل على السرير و متدثرا بلحاف و هاتفه الذكي إلى حانبه على الطاولة. يرن هاتفه فيستيقظ بعد ثوان و يرد على الهاتف، و كانت سهام هي المتصلة و قد كانت جالسة في الحديقة العمومية.
نسيم: ألو
سهام: ألو سهام معاك
نسيم: واش حالك آ سهام
سهام: هاني قاعدة في الجردة، اسمعني بالنسبة للPROJET CREATIF اللي عندك شهر و انت تخدم فيه و مارجني فيه، و بالنسبة لحكاياتي و حكاياتنا زادة هانا الليلة عندنا ميعاد مهم في قهوة الحيط مع نساء أخرين ينجمو هوما بيدهم يهزونا لبرشة حاجات عظيمة و يقويو في الثورات الدولية و يقصرولنا الثنية و يسرعولنا الأمور و يدعموك و يدعمولك إبداعاتك زادة.
نسيم: باهي سهام، السبعة متاع العشية تلقاني في الجردة اللي انت قاعدة فيها تو، على خير.
ينهي المكالمة و يعود إلى النوم
المشهد 27
في الليل، و في مقهى الناصر، نسيم و سهام يجتمعان بالنساء و هما يحتسيان كل واحد كابوسان، و تتراوح مشروبات النساء بين الكابوسان و الاكسبرس.
سهام: أحنا رانا صحاب حافظ بن عمر و حلا خليل و سامعين عليكم حكايات كبيرة ياسر و رانا داخلين في الشكشوكة متاعكم و جيناكم من طرف حلاء خليل قالت اللي انتم عندكم مستجدات و خطط جديدة باش تقلب الطاولة فرد مرة و تعجل بالثورات في العالم.
امرأة 1: من غير ما تفسريلنا نحنا فاهمين كل شي. أسمعي الساسة متاعنا و القضاة الفاسدين ماهم إلا عبيد يوكلو الغلة و ينفذو الأوامر، و راهي الموساد هي السبب في الجرايم الغامضة اللي صايرة في البلاد و قعدت من غير حساب، و عندهم عصابات متاع مافيا هي اللي تنفذ الجرايم بصفة مباشرة و تدمر اقتصاد البلاد بالتجارة الغير شرعية و الغير أخلاقية، أسمعيني راني صاحبة نبيلة الصالحي و رانا دخلنا معاها في حكايات كبيرة و نحبوك تتعاوني معانا، و رانا نشوفو في حكايات تخجج خلاص في قروب BSINESS 87 و فيه صيودة ترعش منهم المخابرات الأمريكية موت، و نحبك تولعيها معنا في القروب بطريقة حكيمة و توصل خلاص في الصميم، إذا لقيتي أي STATUT من عند COMPTE إسمو LAKET VONDER و حاطط تصويرة تفاحة زرقاء، و مهما كان الSTATUT تافه، أعملي COMMENTAIRE ثوري و آش يهمك. و راهي شبكاتنا الأمريكية وصلتنا لحكايات صادمة برشة و نحنا في مفترق طرق، و ماذا بينا كان نتعاونو مع المحقق الأمريكي متاعكم باش نكشفو الحقيقة و نرجعو الحقوق لأصحابها و نحاسبو الظلام، أضربي الحديد و هو سخون و استغلي حالة الغفلة اللي يمرو بيها الأعداء تو و أحركي من غدوة الصباح. و كل ما تبكري و تسرعي في الحركة كل ما نجاحاتنا و ثوراتنا الدولية تكون أضمن و إلا نروحو فيها الكل خلاص
نسيم: و الله كلامك عسل مدام و نا اتبهرت بيك برشة، قوليلي تنجميشي انت تقدميلي الإضاف في الPROJET CREATIF المعقد متاعي اللي صدعلي راسي
المرأة: نت تو باش نبعثك آ نسيم وخي لأستاذة أمريكية داخلة في شبكة إعلامية و الشبكة الإعلامية متحالفة مع شبكات جهاد استخباراتي دولية، هي و جماعتهت يعلموك و يأطروك و يعاونوك باش تطور الPROJET متاعك و تخليه أقوى، و الأبطال الأمريكان هوما يضربو الأعداء الصهاينة اللي دايرين بيك قبل ما يضربوك.
نسيم: واضح مدام
سهام: على كل غدوة الصباح بكري ماشية آنا و رؤى للمحكمة باش نقابلو القاضية سمر بن صافي، مرا عالمة و ثايرة و مناضلة و حربية عندها دوسيات ماهي دوسيات و هي و ذراعاتها السرية خانقة الأعداء خنقة هي بيدها و هوما ماهمش فايقين تستنى في الساعة الصفر باش تقبض على روسهم طول على صعيد دولي و تخلي الإعلام و الفايسبوك يولعها و يصنع الثورات الدولية اللي باش تصنع التغيير العظيم و تخلي العالم تحكمو قوى الخير، بالحق المرا هاذي أكثر وحدة تنجم تعاوننا و كان تحبو إمشيولها إنتم زادة، و ملتقانا عندها غدوة آنا و رؤى
المشهد 28
في السابعة صباحا، رؤى و سهام تسيران في الشارع الكبير الذي يقود إلى المحكمة مباشرة، حتى وصلتا قرب أربعة سيارات رابضة على الرصيفين. و خفية عن رؤى و سهام بعد أن تجاوزتا السيارتين بقليل، خرج منهما ست رجال اثنين منهما يحملان منديلين مشبعين بالمخدر تسللا خلف رؤى و سهام بكل حرفية و خدراهما بالمنديلين و هما يمسكانهما بمعونة آخرين عن المقاومة حتى فقدتا الوعي، فقيداهما بحبلين و أخذاهما إلى سيارتين و فرا بهما.
المشهد 29
ذات ظهر صيفي شديد الحرارة، منار تجتمع في ملعب كرة يد بجماهير من الشباب التائهين من تلاميذ و طلبة، و حنان و فتحي و فهد حاضرون معها على الطاولة، شرعت منار تخطب بالمايكروفون
منار: اجتماعنا اليوم هو اجتماع الحرية، اجتماع العزة، اجتماع النخوة، اجتماع البطولة. اليوم بلادنا ماشبة في منعرج خطير، اليوم المافيا ولات تحكم فينا. فساد، جرايم، انتهاكات مورطة فيها رجال الأعمال و القضاء و الإدارة، و المجرمين فوق القانون و الإعلام ما يتكلم حتى كلمة. اليوم جرايم قتل قاعدة تصير يقوم بيها النظام و يتهمو بيها إرهابيين ماهمش موجودين أصل. اليوم الزوولة و ممالي الحوانت يتسرقو جهار نهار، و كي يجي الضحية يشكي يولي هو متهم و مورط، اليوم الإدارة ولات وكالة يتشخلعو فيها روس الفساد، و المواطن الزوالي قضيتو ما تتقضاش و زيد تتضرب كرامتو في الصميم. اليوم ما يعيش فيها كان الخامج العميل و اللي الصهاينة راضيين عليه، و الزوالي يموت بالشر و يتشرد و يتكلم يضربوه بالكرتوش. أحنا اليوم باش نعملو التكتل متاعنا باش نحاربو الظلم و الإجرام و الاستبداد و الفساد، و يلزمنا جماعات الكل مع بعضنا نتكتلو و نحطو اليد في اليد و ناقفو لبلادنا و نتوحدو و ننفذوها من عصابات الإجرام و الفساد. اليوم لازم المدونين الباحثين على الحقيقة يجيو معانا و نتعاونو مع بعضنا في التحقيق في الجرايم و الانتهاكات و التجاوزات و نفضحوهم في الإعلام و الفايسبوك و نحاسبو المجرمة سواء بالشرعية القانونية أو بالشرعية الثورية. اليوم ولا عندنا بطل جديد من أمريكا يتعاون معانا، المحقق STEVE RIKARDSON متحالف مع وسائل إعلام و شبكات تحري و تحقيق دولية، الراجل هذا حكيت معاه شخصيا و أقنعتو بتوجهاتي و رؤايا و أهدافي المستقبلية و قلي راك معلمة و ما عندك كان الرجال. يلزم ننتشلو إعلامنا الرسمي و الخاص م الضياع و نوعيوه بالحقيقة و نبعثو فيه روح المغامرة و المخاطرة باش يتكلم.
أحد الحاضرين: مدام ماذا بينا إذا كانت تعرف قوللنا بالضبط ها الخوضة اللي تحكي فيها شكون ياقف وراها.
منار: هي عصابات إجرامية تشتغل أساسا في المخدرات و التهريب و الدعارة يتمعشو منها برشة قضاة و إداريين و ساسة و محامين و هي بيدها ياقفو وراها رجال أعمال تحرك فيهم الموساد.
فتحي: يا وخيتنا منار تو من غدوة نبدا آنا و فهد في حملة الدعاية و التعبئة مع معاونينا في المعاهد الثانوية و الجامعات و دور الشباب و في الإدارات زادة، و توة الحكاية الكل نلموها في الفايسبوك و عندنا جماع في الINFORMATIQUE يعرفو كيفاش يسيروها تقنيا و استراتيجيا، و باش نزيدو نشعلوها في الإعلام الدولي زادة
منار: نعرفك قارح و وليدها يا فتحي، أما تبارك الله عليك هاك تعلمت و تطورت برشة، على كل حال ديما طل علي في البيرو و ديما أحكي معايا و شاورني لا نهار تقوم تعمل عملة كي البصل تباصينا الجماعة الكل.
المشهد 30
ذات يوم صيفي مشمس و شديد الحرارة، و داخل فضاء VIP بأحد المقاهي، يجتمع كل من نسيم و نافع و هناء و الأستاذ سمير حول طاولة، نافع و نسيم يحتسبان اكسبرس و هناء و الأستاذ سمير يحتسيان كابوسان.
سمير: و الله مسلبسة علينا طول و الأمور عمال تزيد تتخبل و تدخل بعضاها و الكلنا ولينا مهددين في أمننا و حياتنا، ثلاثة شهور م اللي اختفى صحيبي عمار الحماص و لتوا ما سمعنا عليه حتى خبر.
نسيم: هو عمار أكاهو، و الزوز نوارات رؤى و سهام اللي أكثر من جمعتين ما فماش ريحتهم القاضية سمر بن صافي دخللها تران هو بيدو في مخها و ما ركحت كان بالسيف، صبحية اللي باش يقابلوها في رمضان يختفيو و تنقطع أخبارهم، الحاصيلو سمر ولت كل صبحية وين ما تجي ماشية للمحكمة تعديها ثنية كاملة و هي تشهد. اليوم ولا فيها قتل، ولا فيها اختفاء قسري، و الأمور راهي بلغت منحى خطير برشة و ما يلزمناش نزيدو نسمحو بأكثر تدهور ما يلزمناش نسكتو على ها الجرايم و الانتهاكات قبل م يجينا ما أكبر، اللعبة راهي دولية و الكلنا بالحق مهددين في أمننا و حياتنا، يلزمنا نشوفو حل عظيم، و يلزمنا نواصلو ثورتنا بنسق أشرس.
هناء: أما بصراحة ملا مافيا و ملا هي عمتكم منار الصماري، شفتو الخطاب اللي قالتو البارح في ملعب الHAND، يسمعها غافل يجد عليه و يقول هي مناضلة عظيمة و عنيدة و هي أكبر مجرمة و مرا ممسخة هي بيدها آنا نعرفها. تي حتى المحقق الأمريكي STEVE RIKARDSON اللي كنا مراهنين عليه برشة دارتلنا بيه و ركحتو و طيحتو و هبطتو على قلاقلو و ولى يخدم و يتعاون معاها و هو ماهو فاهم شي، عندو الحق بعيد و ما يعرفش بلادنا و ما يعرفش حقيقة اللي صاير فيها، و م الاخر ما تقهر المرا كان مرا كيفها.
نافع: على العموم آنا راني أصغر واحد فيكم و أكثر واحد ضايع فيها و ماني فاهم شي، أما النساء الرايعات اللي نمشي بحذاهم كل جمعة للشط برجولية هوما سندي الأكبر عقليا و عاطفيا و معاهم هوما دخلت في حكايات ملاتلي كياني و حسستني بقيمتي كراجل، و كل وحدة تقلي رد بالك ثم رد بالك من هاكي منار الصماري و ما تعطيهاش الجنب حتى طرف مرا تركحك بالطيبة و الحنان و من بعد تفترسك على غفلة كي الذيبة، و قالولي حتى كان قعدت معاها و بدات تحكي معاك إسمع و فلت و برة.
سمير: نحنا الليلة نبدو الحملة متاعنا ع الفايسبوك و اليوتيوب، يلزمنا نبينو عليها حملة عشوائية و مفرعسة لكنها في الحقيقة جد منظمة، شوية تكتيك ماهو، و باش تكون حملة مسعورة جدا و ثورية جدا بالستاتيات و الفيديوهات و مانا باش نخافو من حد و الراجل فيهم يجي يواجهنا في VIDEO EN DIRECT و من بعد ها تو نشوفو كيفاش نطلبو الدعم و التحالف م الإعلام محليا و دوليا.
المشهد 31
ذات عشية صيفية لطيفة، و في منزل منار، منار و حلاء تجلسان على الكنبة في الصالون و هما تحتسيان القهوة التركية و تأكلان الحلويات.
منار: آ حلاء ماك تعرف برشة من أعداءنا ولاو يعرفوني و يعرفو أهدافي الحقيقية و ولاو يحسبولي ألف حساب و إنت ديما ورايا و آنا مغطية عليك تخدم في الظلام و المشاريع الكل تتقيد باسمي آنا
حلاء: تعرفي مليح مدام اللي نا ديما نكون جنديتك الاحتياطية و ظلك اللي يخدم وراك، و أخطر المهام نقمر فيهم نا بحياتي في بلاصتك هذا اتفاقنا على شنوة ينص
منار: الأستاذ سمير بن عزيزة صاحب عمار الحماص اللي قتلتو آنا بيدي يظهرلي تعرفو
حلاء: ايه نعرفو
منار: عندي ثلاثة شهور و آنا نتنصتلو على مكالماتو و نراقبلو في ميساجاتو بالتاليفون و وليت نعرف معظم صحابو، عندو صاحبتو محامية إسمها مفيدة رميلي، نحبك تدورلو بيها و تركحها و تخليها هي اللي تغلطو، و نحبك زادة تمشي انت وياها وين يمشي هو و تحضر في قعداتو الكل و تعطيني تقرير مفصل ع اللي اتحكى الكل.
حلاء: واضح عرفتي، سمير إلا ما يحصل كي الجربوع
منار: و من بعد تو يجي وقت لعبة الكاميراوات و التبع بالRESEAU و الGPS. أحنا ماك تعرف أعداءنا نهار و طولو و هوما يسبو في الصهاينة و إسرائيل ما فهمتش إسرائيل باش ضرتهم، و زيد مشعلين الدنيا على مقاومة الفساد و الظلم و الانتهاكات و عاملين حالة على برشة جرايم غامضة ذات شبهة سياسية استخباراتية، حكايات يطلعو فيها من أمخاخهم باش يتنفخو و يوليو أبطال، أحنا على كل حال نحكيو معهم باللغة اللي تعجبهم و نمشيو معاهم في اللي يحبو عليه الكل و نظهرولهم أنا أكثر عباد ثايرين و ناقمين و يحبو على الثورة و التغيير، و من بعد نضربوهم على غفلة تحت الوذن و نقضيو عليهم عن بكرة أبيهم هاذي هي سياستنا اللي عندنا أكثر من عامين و أحنا ماشين فيها.
المشهد 32
ذات صباح صحو و مشمس نسيمه عليل من أول أوت، حلاء تحضر في مكتب المحامية مفيدة الرميلي.
حلاء: نقدملك روحي، و آش باش نحكيلك وخيتي، نا مبدعة حرة و طموحة و شريفة ما ننجح كان بمجهودي و إبداعي و لا عمري ندخل في الأفاريات الممسخة متاع الصهاينة و نولي عبدة ليهم. تآمرو علي برشة في القراية يزورولي في الأعداد و يضيعولي في كوبياتي باش يخلوني ناخذ أصفار، و في الخدمة وين ما ندخل نومرو بطاقة التعريف متاعي في مناظرة يقولولي نومرو غالط دخلي نومرو صحيح، حبيت نقيد في الضمان الاجتماعي حلولي تحقيق هو بيدو و قالولي انت صاحبة سوابق عدلية، ياما تبعوني جماعة أمن الدولة و ياما عملولي مشاكل و ياما اتهموني بالإرهاب و خيانة الوطن، و الإرهابيين الصحاح شايخين فيها موش NORMAL. قررت باش نثور، قررت باش نجاهد، قررت باش نرجع حقي و حق اللي يعانو أكثر مني و نبدلو الدولة متاعنا على خاطر ماعادش ننجمو نسكتو بصراحة ع الظلم و الطغيان، عملت شبكات في الفايسبوك حاولت من خلالها التحالف مع الإعلام الدولي في فضح الفساد و الظلم و الانتهاكات و التجاوزات و مقاومتها سواء بالشرعية القانونية ولا بالشرعية الثورية، دخلت في برشة مهام استخباراتية و مهام تحقيق في هذا الخصوص ضد الروص الكبار، تبعناهم و استدرجناهم و حاولنا نعملولهم الكماين و نا بصراحة عرضت حياتي لخطر كبير، و المحامية غادة حليمي راهي صاحبتي راس و هي اللي توجه في في المهام الاستخباراتية و هي اللي هزتني لبرشة ريزوات في برشة بلدان، و نا زادة داخلة في حكايات معقدة من نوع خاص مع المحقق الأمريكي STEVE RIKARDSON، راجل و عليه الكلام.
مفيدة: باهي وخيتي يعطيك الصحة، يظهرلي فيك مرا بطلة صاحبة حق و عندك إبداع يهز العالم أما قامعينك، لا علينا اليوم نا نتحالف معاك في الثورة اللي باش ندنوها في البلاد و العالم، و فمة قاعدة أخرى باش تتحالف مع قاعدتك انت التحقيقية الاستخباراتية الإعلامية، تتوحد القواعد في العالم و في الوحدة قوة الأنظمة تتبدل و العالم يتبدل، الأستاذ سمير بن عزيزة تعرفيه؟
حلاء: كيف إلا سمعت مرة إسمو اتجبد في حكاية أما ما ركزتش معاه بالباهي
مفيدة: الراجل هذا هو الوجهة الفاعلة في القاعدة المجاهدة الثانية اللي باش تتحالف مع قاعدتك الأولة. هو كل خميس و سبت الخمسة متاع العشية يقعد في قهوة الرخاء، ما تو نهزك معايا ليه و تو تشوفو و تتعرف عليه عن قرب، هو صاحبي راس
حلاء: بصراحة، ماذا بي كان نبدى م الأول نعس عليه من بعيد و من بعد نتعرف عليه و نحكي معاه و نصاحبو
مفيدة: على راحتك وخيتي
المشهد 33
في الخامسة مساء، و ذات عشية صيفية مغيمة، مفيدة و حلاء تدخلان مقهى الرخاء و تقتربان من الطاولة التي يجلس فيها سمير رفقة القاضي وديع بن خليفة، و كلا الرجلين يحتسيان كابوسان.
مفيدة: شفتيه الراجل هذا، هذا هو سمير اللي حكيتلك عليه
حلاء: باهي ماشية معاك وخيتي، هي نقعدو في الطاول اللي بجنبهم نتفرجو فيهم.
شرعت حلاء تراقب الرجلين بانتباه.
سمير: نا اليوم نتحدى إسرائيل أكثر من أي وقت مضى، و يظهر فيهم كلاب إسرائيل مهفات أكثر م اللي نتخيلوه حنا ببرشة لاعبين فيها هوما اللي يقودو في الثورة و الجهاد و هوما يحرشو القطوس و يبكو مع الفيران.
وديع: سمعت بيك حضرتلنا حاجة جديدة تخجج خلاص، تراه أحكيلي
سمير: عندي مشروع تجارة مركبة في شكل عصابات يهزو لخيوط اللي تهز لخيوط أخرين، و ها الFORMULE هاذي بقيت شهرين و نا نكسر في راسي عليها و نحضر في التفاصيل اللي باش نخدمو على ضوءها و حضرتها صفة خطة، رئيس المخابرات الأمريكية بيدو إلا ما ترصيلو يحوم من زنقة لزنقة على جالها يلوج علي. هو ظاهريا في الواجهة مشروع اقتصادي، أما باش يكون فيه فروع غير مباشرة في الظلام يخدمو PHASE و NEUTRE، الPHASE تخترق عصابات المافيا المتمعشة م اللوبي الصهيوني و تبعث شكون يغلطهم و تخليهم هوما بيدهم يغلطو بعضهم و يعملو الفتنة في بعضهم، و الNEUTRE كيف كيف باش تخلينا بصفة غير مباشرة نقحمو الإدارة و الإعلام و الاستخبارات في ثلاثي متوافق كل يعمل مع الآخر حسب مهمته، نظموهم لصفنا و نخلوهم يجاهدوا معانا في الخير و نحنا نسيطرو عليهم و ما نخلوهمش يفهمو الحقيقة خلاص، تكتيك ماهو.
وديع: و الله حتى نا حضرت خطة جهنمية تخجج خلاص. عندي شوية كلاب صهاينة دخلتلهم TRAIN في مخاخهم و غلطتهم و سيطرت عليهم من قبل شوية كلوشارات بهايم لعبو بيهم شوية نساوي. ها الخيط الغير مباشر هذا باش نضرب بيهم لوبيات العمالة و الفساد في القضاء اللي نا مخترقهم أصل بأساليب أخرى، و عميل سري على واحد ضايع نلعبو بيه كورة و نخلو القضاة الفاسدين هوما بيدهم يخترقو الإعلاميين و رجال الأعمال و الإداريين الفاسدين، و الفاسدين يفضحو أرواحهم برواحهم في الإعلام و الفايسبوك و لا واحد فيهم داري بالحقيقةة في بالهم يخدمو و يكمبنو ضدنا و هوما يعاونو فينا و يخربو فيها على روصهم، و بالشوية بالشوية تقوم فتنة بالوكالة بيناتهم تبدا بجماهير الشباب الجواعة اللي ب 10 لاف يبيع بوه توفى بيهم هوما في فتنة و حرب مباشرة، الخطة هاذي حضرتها في جمعتين و بدلت فيها حاجات حسب التطورات.
حلاء تراقب الرجلين بانتباه شديد حتى يخالها من ينظر إليها دائخة أو ما شابه ذلك.
المشهد 34
ذات ليلة رطبة و باردة قليلا من آخر الصيف، الأستاذ رمزي في مكتبه يتخاطب بالMESSENGER عبر هاتفه الذكي، تدخل عليه حلاء.
حلاء: آ رمزي و آش تعمل في وقت كيف ان هاذا.
رمزي: هاني م العشية و آنا نتباحث و نتفاوض مع حداس غتساف الجنرال في الجيش الإسرائيلي، الجماعة مولعين الدنيا فساد ظلم انتهاكات جرايم يحبو على ثورة و تغيير في البلاد، أما أحنا باش نكونو أذكى منهم. الموساد تو باش تدخل ع الخط و تخترقهم و تخبلهم في بعضهم و تضيعهم. أحنا باش نمشيو معاهم فاللي يحبو عليه الكل و نمثلو أننا أكثر عباد ناقمين ع الصهاينة و إسرائيل و نعملو فيها اللي أحنا زادة نحبو ع الثورة و التغيير الجذري و العميق و أننا سنين نناضلو أما ضايعين و ما لقيناش شكون يعاونا، و هاذي هي السياسة اللي قاعدة تعتمد فيها إسرائيل مع الجماعة اللي كيف ان هاذم ليها سنين طويلة. و عندنا رجال أعمال في الدانمارك باش يلعبولنا فيها مناضلين و ثايرين و ناقمين يفديو الخير و الحق بفلوسهم، و عندنا شبكات تحقيق في أمريكا هي في الحقيقة شبكات تضليل باش تدعي البحث في الجرايم و الانتهاكات اللي قاعدة تصير في البلاد و باش تبدي حماسها الشديد في معرفة المصير الحقيقي لرؤى و سهام، الجماعة هاذم باش يتحالفو مع أعداءنا الثوار بصفة غير مباشرة، شوية تمثيل على شوية لغة مضروبة على شوية خطابات ثورية مصنوعة بإتقان نجيبوهم للثنية. أحنا باش ندعيو أننا باش نعاونوهم على اكتشاف الحقيقة، و أحنا في الحقيقة باش نبعدوهم أكثر فأكثر على الحقيقة. أحنا باش ندعيو أننا باش نصنعو معاهم ثورة و تغيير، و أحنا في الحقيقة باش نصنعو فتنة و تخريب بين بعضهم و بينهم و بين جهات خيرة باش يعتقدو فيها شريرة، و برشة أبرياء باش يكونو أكباش فداء في الجرايم و الانتهاكات يحكيو عليها الجماعة هاذم، و هوما بيدهم في قايمة الاستهداف للموساد. هاذي هي الخطة العامة للموساد اللي تفاوضت فيها آنا و حداس في التعامل مع الجماعة هاذم اللي باش يباصيونا طول آش نوة رايك.
حلاء: بصراحة انت معلم و حداس معلم، بالله ابعثلي الLIEN FACEBOOK متاعها خلي نزيد نحكي معاها نا و نتخابر معاها بصفة مستمرة و نعطيها تفاصيل أكثر على خطط الأعداء و الأوضاع المحيطة، حتى نا ننجم نقدم إضافة كبيرة راهو.
رمزي: واضح حلاء، تو نبعثلك الليان متاعها و نقللها حلاء تابعتنا أقبلها في الفايسبوك و أحكي معاها.
المشهد 35
ذات صباح في أول يوم من الخريف صحو و مشمس، و في الفضاء الخارجي لمقهى، هناء و نسيم يجلسان رفقة امرأة تدعى صباح حول طاولة، هناء و نسيم يحتسيان كابوسان و صباح تحتسي اكسبرس.
هناء: كلمتني الصباح و انت داخلة بعضك و تحكي بطلاسم خطيرة، و جبتنا فازعين آنا و نسيم، أحنا لا محالة محناش ناقصين مصايب و فجايع، أما قلي آش فمة جديد؟
صباح: آنا راني صاحبة القاضية سمر بن صافي و راني لي عام و آنا نجاهد معاها في برشة ملفات، نحب نقللكم راهم لوبيات الإجرام و الفساد اللي تحكم في بلادنا و الموساد ولاو راسين في نخلة و ولات عصابات بلادنا ضمن تكتلات عصابات دولية تتحكم في البلدان بطرق مافيوزية تضرب الصحاح و تطلع الحثالة خدمة للوبي الصهوني الدولي. ردو بالكم ثم ردو بالكم من منار الصماري و رمزي القايد راهم حطو يديهم في يدين الموساد و عملو عصابات و شبكات استخباراتية سرية تنجم تكون أقرب م اللي نتصورو و ينجم الذيب يطلعلنا في صورة علوش، و الموساد تو قاعدة تحضر في خطة جهنمية باش تضبعنا و تدخلنا بعضنا و تخلق الفتنة بيناتنا و بين أطراف خارجية، ها الحقايق هاذي قاعدة نوصللها آنا و صاحبتي سمر بعد عمل استخباراتي دؤوب و محترف. توة قضايا بالجملة قاعدة تتلفق ضد المبدعين الثوار الأحرار بخلاف المؤامرات و المكايد و الانتهاكات اللي مشاركين فيها ناس واعين و غير واعين، المبدعين ولاو مهددين بالجوع و البطالة المستديمة و الإدانات الخطيرة مقابل صعود حثالات تابعين الصهاينة.
نسيم: نا راني غاطس في البحر و عندي خبرة في الميدان و الجماعة هاذم نعرفهم و اللغة هاذي ماهيش جديدة علي بالكل، و يظهرلي باش يجي نهار و يلفقولي قضية إرهابية.
صباح: يا نسيم آنا عارفة الحكاية هاذي و أكثر أما ما تخافش ماكش وحدك وراك جحافل و وراك زوز لبوات يحاربو عليك حتى الموت، آنا و القاضية سمر بن صافي، اليوم نتوحدو و نوحدو قواعدنا الدولية و نجاهدو ضد الصهاينة في كل الأرض و ضد من هم أتعس منهم.
المشهد 36
ذات مساء خريفي ينزل فيه المطر رذاذا، القاضية سمر بن صافي تجتمع بصباح و سمير و وديع بن خليفة و سمير و هناء في منزلها، و الجميع يحتسون القهوة التركية و يأكلون الحلويات.
سمر: ولاد الحرام راني فايقة بيهم و فاهمتهم م الاخر و فاهمة إسرائيل وين تحب توصل معانا بالضبط أما عاملة روحي راقدة و غافلة و ضايع. في بالي باللي الموساد تو تحب تخترقنا، و تحب تركحنا بلوغتنا باش مبعد تخبلنا في بعضنا و تضيعنا، و في بالي باللي منار الصماري و رمزي القايد هوما روس الخراب في البلاد. يحبو يستعملو محققينا و مجاهدينا و إعلاميينا و إداريينا ضدنا في بالهم يجاهدو ضد الصهاينة و يعاونو فينا و هوما يهلكو فينا طول، اللعب هذا موش معايا يا كلاب. نا اليوم خدمتلهم خدمة نظيفة و TRES PROFESSIONELLE الشهرين هاذوما نا و خيوطي في العالم باش نقلب عليهم الطاولة و نخليهم هوما يغلطو بعضهم و يفصحو بعضهم و في بالهم يفتنو بيناتنا و يخلونا نورطو رواحنا و هوما في الحقيقة باش يفضحو رواحهم برواحهم من غير ما يفيقو بشي و باش يألبو ضدهم شعوب و في بالهم البروباغندا متاعهم ناجحة، و باش يخلو كلابهم يوكلو بعضهم و يوكلوهم لأسباب تقتل بالضحك، إلا ما نخلوهم ضحكة في العالم و إلا ما النساء اللي كيفي يدورو بيهم و يعرفو كيفاش يركحوهم بصفة مباشرة و غير مباشرة و إلا ما يخججوهم خلاص و يخلوهم ما يعرفو روسهم من كرعيهم يدمرو رواحهم اقتصاديا و استخباراتيا و إعلاميا و في بالهم يغلطو فينا و يدمرو فينا و هوما يغلطو في بعضهم و يقوو فينا و يزيدونا شعبية حتى كان الناس في الماضي ما كانوش راضيين علينا و يكملو يفضحو رواحهم قدام الجهال زادة بشوية تطوير خطة شبكاتي الاستخباراتية و هوما أصلا ولو مفضوحين قدام المثقفين، نا الجماعة هاذم نقراهم قراية نلعبلهم فيها نعجة و نا الصيد نعملو عشايا. شبكاتي الاستخباراتية الدولية المباشرة و الغير مباشرة قاعدة تتبع في منار و رمزي و محيطهم و قاعدين محضرين خطة محكمة بعيدة الأمد باش يستدرجوهم و يدنولهم الكماين و يخلوهم يمشو للهلاك برجليهم و هوما يضحكو، النساء متاع منار إلا ما نخليهم هايمين يقطعو في شعوراتهم في الشارع كي المهبلة، إسرائيل كاملة إلا ما نعيشها في رعب و مانيش نفدلك راني. و بالنسبة للمحقق الأمريكي STEVE RIKARDSON اللي دارتلنا بيه منار و ركحتو و ضيعتو و جابتو ليها، نا و جماعتي النساء درنا بزملاؤوا و شبكاتو المباشرة و الغير مباشرة بالخلايا المتفرعة متاعي، وحيدة وحيدة نصوولهم و نخلوهم يكتشفو الحقيقة و شكون العالي و شكون الساقط، بالشوية بالشوية الجماعة الكل، و حتى STEVE RIKARDSON بيدو، يعرفو حقيقة منار الصماري و حقيقة اللي صاير في البلاد و يولو معانا و يخترقو خلايا الشر و هوما يظهرو لمنار و لخلايا الشر أنو الحال مازال مستقر و ما يظهرو حتى INDICE أنهم فاقو بالحقيقة و أنهم ولو معانا و يقعدو يعملو فيها COMME QUOI ضايعين و يخدمو معاهم و يحسابوهم هوما المناضلين و هوما يخدمو عملاء لصالحنا ضدهم هوما، المهم يعرفو يمثلو و يعرفو كيفاش يكورو بالأعداء باستعمال خطاباتهم و بروباغنداتهم، الطاولة تتقلب على منار و جماعتها على صعيد دولي في بالها عندها ذراعات استخباراتية مسيطرة هي عليها الكل و هوما في الحقيقة سهام غادرة فايقة بيهم تترصدهم و تكيدلهم في الخفاء تستنى في اللحظة المهمة باش تفتك بيهم، و على فكرة قاعدة مع الأمريكان نوصل لحقايق صادمة جدا تخص مصير رؤى و سهام كي تتوضح الرؤية أكثر و يصير الوقت المناسب تو نكشفها للعموم.
وديع: عظيم يا ملكة، الكلنا جنود مجاهدين وراك يا نوارتنا.
سمر (خجلة): MERCI BIEN
المشهد 37
في أول يوم من أكتوبر، و ذات صباح صحو و مشمس و لطيف، منار تجتمع بصالون منزلها مع سواح، وجه سياسي معروف، و كلا الطرفين يحتسيان القهوة التركية و يتناولان الحلويات.
منار: ما تنساش راك وجه سياسي معروف و ليه قيمتو و قدرو في البلاد و آنا بالحق مبهورة بيك موش نرمال و انت راك خويا و صحيبنا هذاكا علاش اخترناك باش تخدم معانا، شطر السياسيين اللي في التلفزة يتمناو يكونو في بلاصتك تو في صالة داري.
سواح: تو هذا كلام، ما عندك كان الرجال، انت راك عزيزة علينا، راك نوارتنا و نا على جالك انت نهز الجبال فوق ظهري.
منار: هاي جايتك الخدمة، باش تكون انت الواجهة متاعي و متانا باش تخدم مشروعنا و أجنداتنا في البلاد في العلن و في السر، و رد بالك يزل لسانك و تجبد إسم واحد فينا و بالطبيعة ماكش باش تخدم وحدك ماك تعرف، باش تعمل وراك ماكينة كاملة تخدم تحت لواء الحزب متاعك من إعلاميية و خطباء في القهاوي و من إداريين و أصحاب مصالح و تظاهرات يحابيو الحزب متاعك و بالطبيع ما ننساوش جيش الفايسبوك و الانستاغرام الجرار. و الأهم من ذلك هو جيش الظلام السري، و اللي باش يتكون من جملة من المبدعين و الناشطين و الحقوقيين و المدونين المنفردين و أصحاب المشاريع و المبادرات، باش يدعيو الكل أنهم مستقلين و ماهم تابعين لحتى حزب سياسي و باش يمثلو على الشعب الحرية و الثورية و العزة و البحث عن الحقيقة، و هاذي طريقة فعالة لخداع شعبنا تعتمدها أقوى الدول في العالم، و بالطبيعة باش يكونوا لكلهم عملاء سريين ليك و للحزب متاعك و باش يحتكمو لسياساتنا و تعليماتنا و يخدمو أجنداتنا في السر من غير ما يبينو على رواحهم و يظهرو قدام الشعب أنهم زوولة أحرار يخدمو وحدهم ثايرين ناقمين على أوضاع البلاد ع الاخر.
سواح: واضح مدام ميساجك وصل، ما عندك كان الرجال الفوارس، نا و حزبي الكلنا فداك يا معلمة.
المشهد 38
ذات عشية خريفية من يوم غير عادي الحرارة، و في مقهى الرخاء، حلاء و مفيدة تدخلان المقهى و تذهبان إلى الطاولة التي يجلس فيها الأستاذ سمير منفردا و هو يحتسي كابوسان، تجلسان إلى جانبه و تطلب كل واحدة فيهما كابوسان.
حلاء: انت راك يا سي سمير ما تعرفنيش أما نا نعرفك و سامعة عليك حديث عظيم، سمعتك تحكي في القهوة تأثرت و ضبعت و دخلت بعضي، و DEJA تشوف في كيفاش دايخة ع الكرسي المرة اللي فاتت. نا راني فنانة حرة و ثايرة و ناقمة ع الظلم و الاضطهاد، و نا نظيفة مانيش مجرمة و بيوعة كيف برشة عباد مادين وجوههم في التلفزة، راني لي سنين طويلة نضال خسرت فيهم قرايتي بعد ما تآمرو علي في 3 دفوارات ضيعولي الكوبيات باش خذيت أصفار و اتهموني بالغش في الDEVOIR الرابع، تآمرو علي في الخدمة كل CONCOURS نقدم فيه يقلي نومرو بطاقة التعريف متاعك غالط و القطاع الخاص ولا واحد يخدمني يخافو على رواحهم. نا تو عايشة على صدقات فاعلين الخير على صعيد دولي.
سمير: رغم أني متعود برشة بها النوع م القضايا إلا أنو كلامك مؤثر برشة و صادم برشة و انتي دخلتي لقلبي أكثر من أي مرا أخرى.
حلاء: لا علينا أستاذ ما تحيرش روحك نا نعزك و نقدرك. و حبيت نقلك زادة اللي نا صاحبة المحامية نبيلة الصالحي، و اللي هي حكاتلي صفة حكاية لتو مصدومة بيها، قالك الموساد عملت شبكة تمانيبيلي في الخلايا متاعنا من بعيد و قالك باش تخترقنا و تفتننا في بعضنا و تضيع الشعب و تألبو علينا، و نحنا تو ننجمو نوكلو الضربة القاضية من عند أقرب الناس لينا ولا من عند أكثر الجماهير ثورة و نقمة على الصهاينة و إسرائيل، و هوما بيدهم غلطوهم بهايم مغلطين و هاهي عمتك نبيلة باذلة هي و صاحباتها مجهود استخباراتي كبير باش تطلع شكون الأيادي الخفية اللي قاعدة تحرك في اللعبة الكل من بعيد. و بالمناسبة، نبيلة راهي حاجتها بيك على انفراد غدوة التسعة متاع الصباح ع الشط قالك عندها موضوع كبير برشة باش تحكي فيه معاك و توصلك لنتايج خطيرة تحبك انت أول من يعلم بيها، و كان تحب نوصلك نا للشط و نهزلك المورال.
سمير: لا من غير ما تشقي روحك عزيزتي، ماهو يلزمنا نبعدو على رواحنا الخطر و الشبهات تجي براسي نا خير م اللي تجي بروسنا الاثنين.
حلاء: على راحتك وخي
المشهد 39
في التاسعة إلا عشر دقائق صباحا، و على شاطئ البحر، سمير يذرع الشاطئ جيئة و ذهابا و كله توتر و قلق و هو ينظر إلى ساعته كل 10 ثوان. و بعد برهة، خرجت منار من إحدى السفن الراسية و هي تحمل مسدسا و باعتته ب 5 رصاصات من الخلف ثم 3 رصاصات من الأمام أردته بها قتيلا، لتخرج حلاء من نفس السفينة و تساعد منار في حمل الجثة إليها، ثم تهربان بالسفينة في عرض البحر لبضعة أميال و تلقيان بالجثة و تعودان إلى شاطئ البلاد في منطقة أخرى من مسلك مختلف.
المشهد 40
على شاشة تلفاز LCD، و في أخبار RAIDUE، العثور على جثة مجهولة الهوية في شواطئ روما تحمل 8 طلقات نارية، و هي في الحقيقة جثة الأستاذ سمير، و لقد كانت سمر بن صافي هي التي تشاهد تلك الأخبار رفقة هناء في منزلها.
سمر: ملا عار و ملا خنار، الله يهلك المجرمة و ولاد الحرام، الله يرحمو صحيبنا سمير مات شهيد.
هناء: ريتها م الاخر سمر وخيتي، العبد ما يموت كان في الأجل اللي مقدرهولو ربي لا يقدم و لا يوخر، معناتها سواء صدمنا ولا خفنا و قعدنا شاددين الدار ميتين ميتين.
سمر: نصدمو، و في المقدمة زادة، الجبن خليناه لماليه.
المشهد 41
في آخر أكتوبر، و ذات صباح صحو و مشمس، و على شاطئ البحر، نسيم يجتمع بهناء و نافع و إعلاميين و محقق.
نسيم: نا ها المدة هاذي الكل عديتها نعمل في تحالفاتي و تعاوناتي الإعلامية و الاستخباراتية الدولية فيما يخص قضية الاختفاء القسرى متاع رؤى و سهام، نتخابرو و نتبادلو المعلومات و كل واحد يجيب جماعتو اللي يوصلونا لجماعة أخرين و يعاوننا من شيرتو، اليوم حطيت يدي في يدين جريدة دانماركية، و الجريدة هاذي تبنات القضية متاع رؤى و سهام و تعهدت أنها باش تعاوننا فيها إعلاميا و استخباراتيا على صعيد دولي و باش توصلها لبرشة جرايد أخرين و باش يربطولنا الخيوط و العلاقات مع برشة شبكات استخباراتية و اجتماعية دولية مباشرة عندها برشة خيوط غير مباشرة يعاونونا من غير وعي، المديرة متاع الجريدة CLARA HANSEL ولت صاحبتي بالباهي.
هناء: عمل عظيم يا نسيم و مجهود كبير، صحيح قمت بخطوة بطولية أما ما يلزمناش ناقفو غاد يلزمنا نعملو برشة حاجات أخرين EN PARALLELE فيما يخص القضية هاذي.
نسيم: عندي PLAN كامل عديت فيه ليلتين، و نا و جماعتي و شبكاتي السرية اللي كونتهم باش يخدمو برشة حكايات أخرين إعلامية و استخباراتية فيما يخص القضية هاذي و باش يوصلونا لخيوط صحيحة على صعيد دولي. و ها الPLAN متاعي هذا داخل فيه أني نتعاون معاكم انتم زادة و مع شبكاتكم المباشرة و الغير مباشرة، و أني نتراكي أي واصل يوصلونا ليه ها الشبكات المباشرة و الغير مباشرة و نبقى نخدم بيه من بعيد.
إعلامية: ما تخافش نسيم وخي، الكلنا جنود فوارس في ها القضية المعقدة و الكونية اللي باش يمثل النجاح في حلها هزيمة نكراء للصهاينة و إسرائيل، نا و صاحباتي نخدمو بالإعلام، و الراجل هذا يخدم بالاستخبارات و خدمتنا INTERNATIONAL راهي.
المشهد 42
ذات صباح مشمس و قليل البرودة في أول نوفمبر، منار تجتمع في مكتبها رفقة عدد من تلاميذ الثانوية.
منار: الصهيونية اليوم هي أكبر كارثة يعاني منها العالم المعاصر، و الصهاينة يحبو يقتلو العزة و النخوة اللي في داخلكم و يحبوكم شباب تافه و ضايع و راضخ. في بلادنا اليوم نقل تنجح اجتهد تاكل العصا. أي مبدع حر و أي واحد يقول كلمتو و راصو مرفوع يشردوه و يقتلوه بالشر و يعذبوه و يمرثو بأحوالو عن طريق الحاكم العميل متاعنا، يلفقولو عشرين ألف قضية و يردوه إرهابي و خاين للوطن، يحبو كان اللي يتبع القوالب الديكتاتورية الجاهزة في الإعلام و في كلامو و خدمتو و إبداعو. مؤامرات ضد شباب طامح و واعد يدمرولهم فيها حياتهم و مستقبلهم، يطردوهم م القراية و يمنعو عليهم الخدمة قال شنوة مجرمة و خطر ع البلاد، حتى الضمان الاجتماعي يطلعولهم عشرين ألف حكاية باش يمنعوهم م الانخراط فيه و يا ويلو اللي باش يبادر و يخدم وحدو و يتعامل مع الجهات الدولية، ما عاد تسمع عليه حتى خبر و لا تعرف عليه لا ميت و لا حي و هو في أقصى العذاب.
تلميذ 1: مدام راك قاعدة تحكي في كلام كبير صعيب علينا و ما فهمنا منو كان شوية، و زيد حالتنا عادية لاباس علينا و ما تسلط علينا حد في الشارع، ماناش فاهمين كيفاش تجي ها المؤامرات اللي تحكي عليها.
منار: الصهاينة راهم مهفات صحاح و المؤامرات و الانتهاكات اللي تحكي عليها يعملوهالك على المدى البعيد من غير ما انت أصل تحس بيها و تحس أنو فمة حاجة غير عادية، لعب مخابرات راهو و هوما يخليوك بأساليبهم مقتنع قناعة تامة أنو الفشل متاعك و المشاكل اللي تصيرلك انت السبب فيها و انت تستاهلها عن جدارة، يهيؤولك الظروف باش يخليوك مقتنع اقتناع تام بها الحقيقة ALORS QUE هذا موش صحيح.
تلميذ 2: مدام و آش باش نعملو تو شنوة الحل، و انت ماكش خايفة على روحك ملمدتنا و تحكيلنا الحديث هذا.
منار: ما تخافوش آنا راني صيدة و ما نتقهرش، و راني مانيش وحدي عندي حلفائي و شبكاتي و جحافلي على صعيد دولي و راني واصلة صحيحة، و نحبكم انتم زادة تحافظوا ع العزة و النخوة اللي في داخلكم و تثبتولي بالحق أنكم فوارس أبطال مجاهدين، و نحبكم تصدمو معايا في الثورة و التغيير و ما تخليونيش وحدي. اليوم آنا ملمدتكم على خاطرني مراهنة كل الرهان على الشباب الواعد اللي كيفكم في مشروعي الثوري الجهادي بعيد الأمد ضد الصهاينة و إسرائيل و في محاربة الفساد و الظلم و الانتهاكات و الجرائم من مجرمين فوق القانون.
المشهد 43
ذات ليلة نوفمبرية باردة، القاضية سمر بن صافي تجتمع في منزلها مع ثلة من رجال الأعمال، و الجميع يحتسون القهوة التركية و يأكلون الحلويات.
سمر: العمل الجهادي الاستخباراتي متاعي دؤوب بالليل و النهار، و كل يوم نوصلو لتطورات كبيرة و مستجدات جديدة و نا نخدم نا و شبكاتي و نتبعو في أصحاب الشر و الصهاينة و نستعملوهم ضد أنفسهم، أساليب عملنا في تطور مستمر و نحنا كل يوم نوصلو لبرشة مستجدات جديدة. لا علينا نا اليوم باش نكلفكم بمهمة استخباراتية صعيبة و معقدة. نحبكم تمثلو أنكم عباد صهاينة حتى النخاع منافقين و تدورو بجماعة منار الصماري و رمزي القايد و تقولولهم نحنا من جماعة حداس غتساف الجنرال في الجيش الإسرائيلي، و نحبكم تعرفو كيفاش تغلطوهم و تضيعوهم و تخبلوهم في بعضهم و تشوشو على خدمتهم و تبعثوهم لجماعتنا عملاءنا السريين اللي باش يستدرجوهم للهلاك، و تو جناحي الاستخباراتي الآخر يكمل باقي المهمة. و عندكم مهمة أخرى في أمريكا، نحبكم تبعثو جماعتكم يغلطو شوية كلوشارات غاديكة و هوما يدعيو أنهم جماعة منار الصماري و يبعثوهم لأصحاب الشر متاع منار طول غاديكة باش يقولولهم منار هي اللي بعثتنا في مهمة و وصاتنا باش نوصلولكم ها الرسايل المشفرة اللي باش نكتبها نا بيدي باش نضيعهم و نفتنهم في بعضهم و نخليهم يخدمو لصالحي نا و هما حاسبين في رواحهم يخدمو لصالح منار، و تو نا نبعثلكم شوية من كلوشارات منار بيدها دارو بيهم جماعة أخرين تابعين منار بصفة غير مباشرة غلطتهمنا و صنعتلهم برشة مشاريع استخباراتية مدمرة باسم منار، و هكاكة توصل الحكاية طول بخيط منا و خيط من هك للجماعة اللي يتحرك معاهم STEVE RIKARDSON طول و يحركو فيه و تو نولي نا اللي نحرك في اللعبة، أصحاب الشر و الغافلين في أمريكا يحسابو في منار هي اللي تقود في المهام الاستخباراتية و ما يعرفوش أني نا هي اللي نحرك في اللعبة باسم منار باش نخلي أصحاب الشر يدمرو رواحهم برواحهم و يخجو و يغلطو منار بيدها و يخلوها تعمل عمايل كي البصل تكمل تباصيها خلاص و يخلوها تفضح روحها و تفضح خنارها.
المشهد 44
ذات صباح في وسط نوفمبر مغيم و بارد، منار تجتمع في صالون منزلها مع حلاء.
حلاء: آش بيه وجهك متبدل و ماكشي قد بعضك منار وخيتي، آش فمة.
منار: خايفة حلاء، خايفة برشة
حلاء: نعرفك صيدة و قارحة تضربي و ما ترحميش و ما تخافيش بالكل، آش جرالك اليوم.
منار: آنا خايفة من سمر بن صافي، العباد الكل ننجم نقهرهم كان المرا هاذي نعجز قدامها، العباد الكل نجمت نطيحهم و نخترقهم و نتعامل معاهم و نسيطر عليهم كان هي صعبت علي بشكل ضبعني و خججني خلاص مرا مافيا بشكل يدوخ و يضبع، المر هاذي خلخلتني و دخلتلي TRAIN طويل في راسي. آنا تو هايمة و ضايعة في مخي وليت نهلوس من ها المرا بالليل و النهار و وليد وين ما تنذكر تصويرتها تترعد. نعرفك باش تضحك علي أما المرا هاذي بالذات سيدة خارقة عجيبة و حالة غير عادية بالمرة.
حلاء: ما تخلي شي في بالك وخيتي هويني معاك و كان تحبي ارتاحي و ركحي مخك و راجعي روحك و تو نا ناقف معاك و نزيد نهديك، و نا محاربة شرسة و قهارة ما تخاف من حد، ياخي بالله آش باش توليلنا جرد ها القاضية المصعصعة سمر بن صافي.
المشهد 45
في السابعة مساء، و ذات ليلة نوفمبرية باردة، كان نسيم جالسا في الفضاء الداخلي لمقهى يحتسي فيلتر. رن هاتفه الذكي فجأة، و كانت المتصلة هي صباح التي كانت جالسة على حاسوبها المكتبي في منزلها.
نسيم: ألو عسلامة
صباح: السلام صباح معاك، اسمعني نسيم باش نبشرك اليوم أني وصلت للحقيقة فيما يخص قضية الاختفاء القسري متاع رؤى و سهام، منار الصماري و رمزي القايد هوما ممالي العملة، إيجاني غدوة السبعة متاع الصباح للغابة اللي بحذا الواد تو نحكيلك التفاصيل.
انتهت المكالمة
المشهد 46
في نفس تلك الليلة، و في منزل منار، منار و حلاء تجلسان في المطبخ، و منار تحتسي كوبا من عصير الليمون.
حلاء: آه منار، شنهي حالك تو، أبركشي شوية.
منار: ايه أبرك، شربت 3 قهاوي و ركحت مخي و بديت نرجع شايخة كيما قبل.
هاتف منار الذكي يصدر الرنة التي تدل على وصول إرسالية قصيرة.
منار: هاو جاني E MAIL
تأخذ الهاتف و تفتحه
منار: هاو قلك TRANSCRIPTION AUDIO
تفتح الرسالة و تقرؤها
منار: خارق للعادة، أمورك مريقلة يا سي نسيم.
المشهد 47
ذات فجر رطب و شديد البرودة في آخر الخريف، صباح تسير في الطريق الريفية بسيارة RENAULT 9، و قد كان مرافقها هو من يقود السيارة. و بعد أحد المنعطفات، شرعت سيارتين من نوع PEUGEOT PARTNER تتبعان السيارة التي فيها صباح و تتعقبانها أينما ذهبت. أحس مرافق صباح بالخطر.
المرافق: هاذم يظهر فيهم يتبعو فينا و قاصديننا، نهربو منهم خير ما تعرفش عليهم آش ينجمو يعملولنا.
صباح: و الله فكيتها من فمي، فيسع أكسيلاري خلي نهربو، نوصلو لأول دورة و من بعد نعرفو كيفاش نسلكو أمورنا.
زاد مرافق صباح في السرعة فبدأت المطاردة في الطريق بين السيارة RENAULT 9 و السيارتين PEUGEOT PARTNER، و استمرت المطاردة طيلة الطريق المتواصلة. و عند الوصول إلى منعطف مزدوج من اليمين و اليسار، تمت محاصرة السيارة التي فيها صباح بسيارتي MERCEDES 250 D من اليمين و سيارة PEUGEOT 504 من اليسار، و قد سحب الرجال الثلاثة و النساء الخمس الذين كانوا في السيارات أسلحة من نوع شطاير و أمطروا سيارة صباح بالرصاص حتى أردوها قتيلة هي و مرافقها. شارك المجرمون بعدها في سكب 20 بيدونا من البنزين على سيارة صباح و رمت إحدى النساء فوقها عودي كبريت ثم فرت السيارات الخمس بأقصى سرعة في وقت اشتعلت فيه ألسنة اللهب في سيارة صباح الشهيدة.
المشهد 48
ذات صباح في أول الشتاء صحو و مشمس و بارد، نسيم يجلس إلى جانب هناء في الفضاء الخارجي لمقهى، و كلاهما يحتسيان كابوسان.
نسيم: و الله على أعصابي بالباهي ها الأيام و هابل ع الاخر، أكيد صاحبتنا صباح الموساد عملتلها حكاية الجمعة اللي فاتت، كنت باش نقابلها السبعة متاع الصباح، قالت اكتشفت حقيقة مصير رؤى و سهام و باش تحكيلي الحكاية بالتفصيل في الغابة، و من وقتها ما عاودنا سمعنا عليها حتى خبر، برا يلعن بوهم الكلاب ها الصهاينة الخنازر.
هناء: وسع بالك نسيم وخي، و الله حتى آنا لي شهرين STRESSEE و داخلة بعضي أكثر م اللي تتصورو انت، أما أحنا عباد نامنو بربي، و الخير ينتصر في الدنيا قبل ما ينتصر في الآخرة.
نسيم: برجلة وليت نحب ندخل في حكاية كبيرة مع القاضية سمر بن صافي و مع جماعتكم الأمريكان، صحيح هاكي المسبوعة منار الصماري فكتلنا المحقق الأمريكي STEVE RIKARDSON و جابتو ليها، أما هو ها الأيام قاعد يرجع يعاون فينا أكثر فأكثر و كلوشارات منار بيدهم داخلين بعضهم و يخدمو ضدها و ضد بعضهم، لا محالة نا ما نعرفش واش صار بالضبط أما نا تو وليت نخدم في خدمة استخباراتية كبيرة مع المحققة الأمريكية LARA KENNY صاحبة المحقق STEVE RIKARDSON راس، بعثتلي MESSAGE الساعتين متاع الليل ع الVIBER قالتلي أنها عرفت شنهي صار بالضبط لصاحبتنا صباح و قالتلي أنها خذات الخيوط المهمة في قضية رؤى و سهام و تبعتهم و تبعت الجماعة اللي دبرو العملية، و قالتلي أمهلني حتى تاريخ اليوم الخمسة متاع العشية بتوقيتنا نحنا تو تبعثلي E MAIL تحكيلي فيه الحقيقة كاملة بالتفصيل.
هناء: نحب نقلك حاجة نسيم حتى في القورة ما تعطيش الجنب للي يجي، تقولشي دغف و ما يعرفوش بلادنا و ما يعرفوش الخباثة و التنوميس متاع جماعتنا، حتى هوما عندهم ذيوبة صحاح كيما الذيوبة متاعنا.
نسيم: المهم أول ما يوصلني الE MAIL متاع LARA إلا ما نشعلها في الإعلام الثوري و في الشبكات الاستخباراتي و الاجتماعية في العالم الكل، تو هاو STEVE تنجمي تقولي رجع معانا و تزادتلنا LARA، و الرهان الأول و الأخير على لبوتنا سمر بن صافي.
هناء: و نحب نقلك حاجة أخرى فمة برشة حوايج باهية و برشة تقدم صارلنا بفضل سمر بن صافي وحدها
المشهد 49
ذات صباح شتوي صحو و مشمس و شديد الصقيع، غادة و القاضي وديع بن خليفة و نسيم يجتمعون في مقهى، وديع يحتسي فيلتر و غادة و نسيم يحتسيان كابوسان.
غادة: و الله ها الأشهرة هاذم قاعدة نخدم في خدمة كبيرة آنا و جماعتي في الداخل و في الخارج بصفة مباشرة و غير مباشرة، و قاعدين نتبعو في روس الفساد الكبار في البلاد و نشوفي في فضايحهم و خنارهم و ناخذو من عندهم في الأخبار، و لا قول نستدرجوهم أحنا باش يغلطو و يفضحو أرواحهم بأرواحهم، و كل شي عندنا مقيد و موثق. و قاعدة نلمد في أدلة دامغة أكثر فأكثر ع الكذب و التبلعيط متاع هاكي منار الصماري، عاملة عقلها من عقولات تلامذة الثانوي تسحر فيهم و تغلط فيهم و تهز فيهم للهلاك، إلا ما نعذبها و نمرث بأحوالها، إلا ما نخلي فضايحها و عارها يحوسو في العالم الكل عند الصغار قبل الكبار و ما عندها ما تعملي. ها الشهرين هاذم خدمنا خدمة كبيرة ياسر آنا و المحامية نبيلة الصالحي، و وصلنا لمستجدات خطيرة ياسر تخص حكاية رؤى و سهام، و منار و هاكا الأستاذ الجربوع رمزي القايد على راس قائمة المشتبه بهم.
وديع: و الله حتى نا قاعد نخدم في خدمة كبيرة ياسر نا و القضاة المجاهدين زملائي و شبكاتي الاستخباراتية المباشرة و الغير مباشرة و مع قياداتنا الكبيرة في أمريكا زادة و قاعدين نوصلو لعار يدور الخواطر أصل فيما يخص هاكي منار الصماري و صاحبتها حلاء خليل زادة وجه السوق متاعها اللي تغلط في المجاهدين متاعنا و تخترقهم و تظهر في روحها أكبر ثايرة و أكبر مناضلة و أكثر وحدة مظلومة و مضطهدة. ماهي هاكي منار الصماري فكتلنا المحقق الأمريكي الكبير متاعنا STEVE RIKARDSON، أما نحنا تو، بخلاف أننا نرجعو فيه تدريجيا، هانا جبنا معانا صاحبتو راس المحققة الكبيرة LARA KENNY، حتى هي زادة عندها نفوذ لا يقل عن نفوذو على الحلفاء و الخلايا و الشبكات الدولية، و ليها سلطة و تأثير على STEVE و على الجماعة الكل اللي فسدتو منار تو تصلحو LARA بإذن الله، و فيما يخص الحكاية متاع رؤى و سهام، اللي وصلنالو إلى حد الآن هو أنو الموساد هي المتهم الرئيسي في القضية و اللي عندها في البلاد عصاباتها و أذرعها اللي يخدمو معاها بطريقة غير مباشرة و نحنا مازلنا نتحرو في المزيد و نتحرو في التفاصيل، و LARA تو قاعدة هي و الجماعة تبذل في مجهودات فوق العادية بالليل و النهار في البحث و التحقيق في اذي القضية و وعدتني باش تمدني بالحقايق اللي توصللهم أولا بأول يالايميل و وصاتني زادة باش نبحث على صعيد محلي و نعطيها زادة الحقايق و الأخبار أول بأول، مرا فاضلة و مجاهدة عظيمة و تستاهل الواحد يرمي روحو للموت على جالها.
نسيم: بصراحة نا نتسمى الصغير فيكم و ناقصتني الخبرة و ما نقدرش نقدملكم الإضافة الكبيرة، أما حتى نا صحاب بالباهي نا و LARA KENNY و نتعاون و نخدم معاها بشكل كبير.
وديع: آش باش نقول ليك نسيم وخي، انت تو ركزلنا أكثر انت و هناء مع رجال الأعمال المجاهدين متاعنا في الدانمارك و حلفاءهم و شبكاتهم و أعوانهم، و مع الإعلام المحلي و الفايسبوك انت و هناء و نا نتولهى بالجماعة في أمريكا و بالخبابل الكبيرة في العالم.
المشهد 50
ذات ظهر شتوي صحو و مشمس، منار تتناول الغداء في مطعم رفقة حلاء، منار تتناول كسكروت شاورمة و حلاء تتناول مقلوب شاورمة.
منار: بصراحة، هاكي سمر بن صافي عذبتني و مرثت بأحوالي، هي خطر كبير علينا خلاتني نغلط في حق روحي و حق جماعتي و خلاتنا نغلطو الأغلاط اللي تهردنا طول و تطيحلنا مجهوداتنا الكل في الماء، المرا باش تباصينا خلاص. بسبب سمر المحقق الأمريكي STEVE RIKARDSON فاق بالحقيقة كاملة و رجع يخدم مع الجماعة الأخرين و ولا يخدم ضدي، أما الحاجة اللي ماهو فايق بيها حد لا في البلاد و لا في العالم هي أنو LARA KENNY اللي هي صاحبة STEVE RIKARDSON راس هي عميلة مندسة و متنكرة تخدم معانا، عاملة في روحها تعاون في الجماعة الأخرين علينا و تخدم معاهم و تبحث على حقيقة مصير رؤى و سهام، و هي في الحقيقة تغلط فيهم و تضيع فيهم و تبعد فيهم ع الحقيقة و تستدرج اللي حاجتنا بيه نحو الكمائن، و STEVE بيدو غالط فيها، و هي تغلط فيه و تضيع فيه و تشوشلو على خدمتو زادة، و هو ماهو فاهم شي.
حلاء: راكي معلمة و عليكي الكلام عرفتي، ما تخافيش سمر بن صافي تو نعرف كيفاش نتولهى بيها، و رهاننا الأكبر اليوم على LARA KENNY
المشهد 51
ذات عشية شتوية صحوة و مشمسة، القاضي وديع بن خليفة يجتمع في المقهى رفقة هناء و نسيم و القاضية سمر بن صافي، و كل واحد فيهم يحتسي كابوسان.
وديع: نا اليوم نبشركم أنو المحقق الأمريكي STEVE RIKARDSON فاق بالعار و الخنار متاع هاكي منار الصماري و عرف حقيقتها و رجع يخدم معانا كيف ما العادة. و اليوم أبرز الحقايق اللي اكتشفناها فيما يخص الحكاية متاع رؤى و سهام أنو منار و رمزي تحالفو مع الموساد و عصاباتها و أذرعها الغير مباشرة اللي تضم مبدئيا نواب برلمان و رجال أعمال و إداريين، و هوما المتهمين الرئيسيين في الجريمة. اليوم الصباح LARA بعثتلي MESSAGE قالتلي STEVE راهو PRESQUE وصل للحقيقة متاع اللي صار لرؤى و سهام، و هو شوية آخر يبعثلي E MAIL يحكيلي فيه الحكاية كاملة بالتفصيل و نا نبعثو طول للجريدة الدانماركية المجاهدة اللي معانا.
هناء: رايع سي وديع، ربي معاك، و أحنا نخدمو معاك و نعاونوك م الشيرات الأخرى.
بعد برهة تصدر الTABLETTE متاع وديع نغمة تشير إلى وصول إرسالية قصيرة.
وديع: آه خارق للعادة، هوينو الE MAIL وصل
وديع يشتغل قليلا بالTABLETTE و يقرأ بحماس ممزوج بالتوتر.
وديع: CA Y EST، الحقيقة الكاملة متاع قضية الاختفاء القسري لرؤى و سهام وصلت للجريدة الدانماركية
بعد برهة أخرى، الTABLETTE متاع وديع تصدر مرة أخرى نغمة تنبئ بوصول إرسالية قصيرة. وديع يقرأ و يمتزج داخله شعور الصدمة مع شعور الحماس الهستيري.
وديع: أمورنا راهي ماهيش عادية خلاص و يظهر فيها اليوم باش تشيخ علينا شيخة غير عادية، تو جاني MESSAGE من عند LARA KENNY قالت تحب تقابلني نا شخصيا غدوة في المدينة اللي بعدنا شمالا، هذا أقوى م الخيال، و نا في خيالي بيني و بين روحي نحلم باش نقابل ها المرا و نحوس نا وياها، و اليوم الحلم تحقق.
المشهد 52
ذات صباح شتوي غائم و شديد البرودة، منار تجتمع في صالون منزلها بحلاء.
حلاء: عمك وديع بن خليفة هابل موت على LARA KENNY و ولا متعلق بيها يحسبها صاحبتو و تخدم لصالح جماعتهم و تجاهد معاهم، و حتى واحد ماهو عارف اللي LARA هي ورقتنا الرابحة اللي مراهنين عليها. اليوم محضرين كمين لهاكا وديع، ماهو ماشي للمدينة اللي مبعدنا في الشمال، و قبل ها المدينة هاذي فمة UN CERTAIN TRAGET صغير الكلو غيب و صعادي و ما فيهش كياس، DONC باش يمشي على رجليه، هو باش يقابلها الساعتين، و نحنا تلقانا نستنو فيه غاد.
منار: خطة عظيمة حلاء حتى انت محاربة و تعرف تتكتك، شوية آخر و نشدو الROUTE و نسافرو.
المشهد 53
و في نفس اليوم في عشية شتوية سطعت فيها الشمس من بين السحاب، كان وديع بن خليفة يقطع الطريق الصغيرة الغابية في التل راجلا، و كانت حلاء و منار تتبعانه سرا من بعيد و هن مختبئات وراء الأشجار. توقف وديع لبرهة حتى يتفحص الطريق.
حلاء: هي توة منار، أعطيني القناصة
في وقت عاد فيه وديع للسير أربع خطوات، كانت حلاء في ذلك الوقت قد تناولت سلاح القنص و صوبته إلى رأسه، أطلقت الرصاصة في رأسه بأقصى سرعة فأردته قتيلا.
هربت حلاء و منار بأقصى سرعة حتى وصلتا إلى سيارة الKIA البيضاء التي كانت رابضة بجانب الصخرة قرب الطريق المعبدة، ففرتا بالسيارة بأقصى سرعة بعد أن فتحتا الباب و دخلتا، و كانت حلاء هي من تقود السيارة.
المشهد 54
قبيل شروق الشمس، ذات فجر شتوي شديد الصقيع، القاضية سمر بن صافي تجلس في الفضاء الخارجي لمقهى رفقة هناء، و كانت سمر تحتسي اكسبرس و هناء تحتسي كابوسان.
سمر: اليوم زدنا قدمنا شهيد آخر، القاضي وديع بن خليفة الله يرحمو. و بالمناسبة توصلت رفقة حلفائي و شبكاتي الاستخباراتية و خلايايا السرية و الأعداء اللي غلطتهم و فضحو رواحهم من غير ما يشعرو إلى الجانب العمومي الأكبر متاع رؤى و سهام، BON نحنا مازلنا ما نعرفوش شنوة مصيرهم الحقيقي بالضبط أما هوينو جايك الحديث، هي الحكاية تحالف بين الموساد الإسرائيلي المتهم الرئيسي في القضية و بين منار و رمزي زوز قادة من شيرة أخرى. و ها الجماعة هاذم، الموساد و منار و رمزي و برشة قيادات نسائية أخرى في العالم عندهم عصابات متفرقة و في ميادين مختلفة لكنها متحالفة و مترابطة مع بعضاها ببرشة خيوط يخدمو في الظلام، و هوما أذرع الموساد الغير مباشرة في البلاد. و ها العصابات هاذي تضم أساسا العصابات المافيوزية اللي تشتغل أساسا في التهريب و المخدرات و الدعارة و التحيل المنظم و من زعماء مافيا في إفريقيا السوداء، و تضم زادة نواب برلمان و سياسيين و أمنيين و قضاة و محامين و رجال أعمال و إداريين و قيادات نقابية و رؤساء منظمات، هوما قادة و تابعين في نفس الوقت في ها العصابات على صعيد دولي بصفة مباشرة و غير مباشرة، و ها العصابات هاذم يمولو فيهم رجال أعمال صهاينة في العالم يخدمو مع ضباط الموساد في إسرائيل و عندهم أذرعهم التنفيذية السرية اللي هي المتهم المنفذ في جريمة الاختفاء القسري لرؤى و سهام. بصراحة مازال ما عندنا حتى فكرة على المصير الحقيقي لها الزوز نوارات، أما توصلنا لجانب كبير م الحقيقة و مازلت نزيد نكتشف و نعرف.
هناء: مدام راك معلمة و راك لبوة و ما تتقهرش. و بالمناسبة آنا بيدي ولاو عندي حلفاء و شبكات جديدة من جماعة كبار على صعيد دولي وليت نخدم معاهم و عملي الاستخباراتي و الإعلامي ازدهر بشكل مضاعف، و آنا محضرة خطة تدميرية عبقرية كبيرة ضد الأعداء، ها تو نوريهم.
للمواصلة
كتبها: طارق خنفير
Comments